ہمارے منع کرنے پر بھی ای ڈی چیف کو توسیع دی گئی؟سپریم کورٹ مرکز پر برہم

نئی دہلی. سپریم کورٹ نے انفورسمنٹ ڈائریکٹوریٹ (ای ڈی) کے ڈائریکٹر سنجے کمار مشرا کو دی گئی تیسری سروس میں توسیع پر مرکزی حکومت سے پوچھا ہے کہ کیا یہ اتنا ضروری ہے کہ سپریم کورٹ کے انکار کے باوجود ان کی مدت ملازمت میں توسیع کی جا رہی ہے۔ سپریم کورٹ نے پوچھا کہ کیا کوئی شخص اتنا اہم ہو سکتا ہے؟ دراصل، عدالت عظمیٰ نے اپنے 2021 کے فیصلے میں واضح کیا تھا کہ ریٹائرمنٹ کی عمر کے بعد ڈائریکٹر آف انفورسمنٹ کے عہدے پر فائز افسران کی کسی بھی سروس میں توسیع مختصر مدت کی ہونی چاہیے۔ حکم نامے میں یہ بھی واضح کیا گیا کہ سنجے مشرا کو مزید توسیع نہیں دی جائے گی
جسٹس بی آر گوئی، وکرم ناتھ اور سنجے کرول کی بنچ کے سامنے مرکز کی طرف سے پیش ہوئے سالیسٹر جنرل تشار مہتا نے کہا، "مشرا کی توسیع انتظامی وجوہات اور فنانشل ایکشن ٹاسک فورس (FATF) کے ہندوستان کے جائزے کے لیے ضروری تھی۔” اس پر بنچ نے سوالوں کے جھڑی لگاتے ہوئے پوچھا، ”کیا ای ڈی میں کوئی اور شخص نہیں ہے جو اپنا کام کر سکے؟ کیا ایک شخص اتنا اہم ہو سکتا ہے؟ آپ کے مطابق ای ڈی میں کوئی اور قابل شخص نہیں ہے؟ مشرا کے ریٹائر ہونے پر 2023 کے بعد اس عہدے کا کیا ہوگا؟