میوات کے عازمین کو سعودی میں زبردست پریشانیوں کا سامنا ،وفد کی ہریانہ کے متعلقہ ذمہ داروں سے ملاقات

نوح میوات (پریس ریلیز)
ہریانہ سمیت ملک کے عازمین حج کو سعودی قیام کے دوران مختلف مسائل اور مشکلات پیش آنے کی مسلسل اطلاعات مل رہی ہیں-اس کو لیکر عازمین حجاج کے متعلقین سمیت حج رضاکاروں میں تشویش پیدا ہو گئی ہے-
اس سلسلے میں سماجی کارکن و ہریانہ حج ٹریننگ گروپ سے وابستہ حج رضاکار مولانا محمد صابر قاسمی کی سربراہی میں ایک تین رکنی مؤقر وفد نے عازم حج نوح سے کانگریس ایم ایل اے چوہدری آفتاب احمد سے آج شام مدینہ منورہ روانہ ہونے سے قبل فریدآباد واقع ان کی رہائش گاہ پر ملاقات کر میٹنگ کی -جس میں حجاج کو پیش آمدہ مشکلات کے سد باب کے لیے باہمی تبادلہ خیال ہوا-
ہریانہ میوات حج ٹریننگ گروپ کے رکن و سرگرم سماجی کارکن مولانا محمد صابر قاسمی نے میٹنگ کے بعد بیان جاری کر کہا کہ میٹنگ میں عازمین حجاج کی پریشانیوں کو لیکر موجودہ ایم ایل اے نوح چوہدری آفتاب احمد سے عازمین حجاج کرام کو لاحق پریشانیوں سے آگاہ کرا دیا ہے
مولانا موصوف نے چوہدری آفتاب احمد کے سامنے اپنی طرف سے تجویز پیش کرتے ہوئے کہا کہ آپ سیدھا مدینہ منورہ پہونچ رہے ہیں ، بذات خود عازمین حجاج کی پریشانیوں کا بغور جائزہ لیں پریشانیوں میں مبتلا عازمین حجاج سے ملاقات کریں،اور اپنی طرف سے سیاسی سطح پر ہندوستان اور سعودی سرکار سے بات کر فوری کوشش کریں تاکہ جلد سے جلد لاحق پریشانیاں دور ہوں،قابل ذکر ہے کہ آفتاب احمد ایم ایل اے نوح دہلی ایئرپورٹ سے آج شام اپنے خاندان کے 4 میمبر کے ساتھ سفر حج پر روانہ ہو گئے ہیں
واضح رہے کہ حکومت ہندوستان نے حجاج کے لیے رضاکارانہ کام کرنے والی معاون تنظیموں کو کام کرنے سے روک دیا ہے، دوسری اور حکومتوں کی بے توجہی عازمین حجاج کو سر درد بنی ہوئی ہے جس کے چلتے بہت سے حجاج کو پریشانیوں کا بھاری سامنا کرنا پڑ رہا ہے میٹنگ میں کئی تجاویز پیش کی گئی جس میں ایک یہ ہے کہ جلد سے جلد میمبران پارلیمنٹ سے اس حوالے سے آواز اٹھاوائی جانے کی کوشش کی جائے،
میوات ہریانہ سے عازم حج عالم دین سمیت کئی دیگر عازم نے مدینہ منورہ سے میوات کے سرگرم سماجی کارکن و حج ٹرینر گروپ کے رکن و صابر قاسمی کو ویڈیو موصول ہو رہی ہیں، جس میں عازمین حج اپنی اپنی ہوٹلوں میں بنیادی عدم سہولت کو لیکر سخت پریشانی اور بے چینی کا اظہار کر رہے ہیں، اور غم و غصہ کا اظہار کر سوال کر رہے ہے کہ ، آخر اتنی بڑی رقم ہندوستان اور سعودی حکومت لے رہی ہے لیکن اس سب کے باوجود حرمین شریفین کا مقصد اصلی اللہ رب العزت کی عبادت و ریاضت قرب حاصل کرنے کے لیے بنیادی سہولیات کا فقدان ہونے کی وجہ سے مطلوبہ یکسوئی ندارد
آخر ایسا کیوں؟ ، میوات کے حجاج نے ویڈیو جاری کرتے ہوئے کہا کہ باتھروم میں صرف لیٹرین کی سیٹ ہے، حاجی کو اگر غسل کرنا ہے تو لیٹرین سیٹ پر کھڑے ہوکر ہی کرنا ہوگا، ویڈیو میں یہ منظر بھی صاف نظر آ رہا ہے کہ بیت الخلاء کی نیچے کی طرف سے دروازہ کا حصّہ خاصہ اونچا دکھائی دے رہا ہے جس سے برابر والے باتھروم میں قضائے حاجت والے بندے کو برابر میں غسل کرنے والے کی پانی کی چھینٹیں لگتی ہیں، حاجیوں کا غصہ اور رضاکاروں کا اضطراب اس بات کو لیکر ہے کہ اتنا مہنگا حج کرنے کے باوجود بنیادی سہولیات کی عدم فراہمی اور اس کے علاوہ کوئی سنوائی نہیں؟ لوگ پوری زندگی کی جمع کی گئی پائی پائی کی پونجی سے حج کرتے ہیں لیکن اگر اس کی ادائیگی میں بھی سرکاروں کی کمی کوتاہیوں کی وجہ سے سفر حج کا حق ادا نہ ہو تو کیسے تشفی ہو؟
وفد نے ہریانہ حج کمیٹی کے چیئرمین محسن چوہدری سمیت ہندوستان حج کمیٹی کے عہدے داران و اسمرتی ایرانی اور دونوں ممالک کی سرکاروں سے مطالبہ کیا ہے کہ عازمین حجاج کی پریشانیوں کو دور کرنے کی سمت فوری توجہ دیں، یہ ان کا واجبی حق ہے، جس کی ادائیگی کے لیے انہوں نے خطیر رقم مہینوں پہلے ادا کی ہوئی تھی ،مولانا جمال الدین صدر جمعیتہ علماء ضلع فریدآباد نے کہا کہ ایسا لگتا ہے کہ موجودہ حکومت میں حج کمیٹی کا کوئی مطلب نہیں رہ گیا ہے، ایڈووکیٹ انجم نے کہا کہ ایسا لگتا ہے جو نہیں ہونا چاہیے موجودہ سرکار میں وہ سب ممکن ہے،

اس حوالے سے جب ہریانہ حج کمیٹی کے چیئرمین محسن چوہدری سے اس نمائندہ نے بات کی تو انہوں نے کہا کہ ،اس حوالے سے سینٹرل حج کمیٹی سمیت حکومت تک سے بات ہو گئی ہے ہم امید کرتے ہیں کہ جلد مسئلہ کا حل نکلے گا،