خاتون جرنلسٹ سبرینا صدیقی کے خلاف مہم کی وائٹ ہاؤس نے مذمت کی

وائٹ ہاؤس کے سیکیورٹی ترجمان جان کربی نے وال اسٹریٹ جنرل کی وائٹ ہاؤس کی رپورٹر سبرینا صدیقی کو نشانہ بنانے والی آن لائن ٹرولنگ کے بارے میں کہا، "یہ مکمل طور پر ناقابل قبول ہے اور یہ جمہوریت کے اصولوں کے خلاف ہے…
وائٹ ہاؤس کی پریس سیکریٹری کیرن جین پیئر نے بعد میں کہا کہ "ہم آزادی صحافت کے لیے پرعزم ہیں” اور "کسی صحافی کو ڈرانے یا ہراساں کرنے کی کسی بھی کوشش کی مذمت کرتے ہیں۔”
پی ایم مودی بھارت میں پریس کانفرنس نہیں کرتے۔ اپنے اقتدار کے آخری نو سالوں میں انہوں نے بطور وزیر اعظم کبھی پریس کانفرنس نہیں کی۔ لیکن ابھی ان کے ریاستی دورہ امریکہ کے دوران ماحول ایسا بن گیا کہ وہ وائٹ ہاؤس میں منعقدہ پریس کانفرنس سے خطاب کرنے پہنچ گئے۔ وائٹ ہاؤس میں اسی پریس کانفرنس کے دوران، سبرینا صدیقی نے بھارت میں مذہبی اقلیتوں کے حقوق اور اظہار رائے کی آزادی کے بارے میں تشویش کا اظہار کیا۔ صدیقی نے کہا، "انسانی حقوق کے بہت سے گروپ ہیں جو کہتے ہیں کہ آپ کی حکومت نے مذہبی اقلیتوں کے ساتھ امتیازی سلوک کیا ہے اور اپنے ناقدین کو خاموش کرنے کی کوشش کی ہے۔” پھر پوچھا کہ "آپ اور آپ کی حکومت مسلمانوں اور دیگر اقلیتوں کے حقوق کو بہتر بنانے کے لیے کیا اقدامات کرنے کے لیے تیار ہیں؟”
مودی، جو صحافیوں کو شاذ و نادر ہی جواب دیتے ہیں، نے اس سوال پر حیرت کا اظہار کیا۔ صدیقی کے جواب میں ایک مترجم کے ذریعے مودی نے کہا، ’’ہندوستان کی جمہوری اقدار میں ذات پات، نسل، عمر یا کسی بھی قسم کے جغرافیائی محل وقوع کی بنیاد پر کوئی امتیاز نہیں ہے۔‘‘