سیما حیدر کے متضاد بیانات ،پولیس کی پوچھ تاچھ،سےبڑھ سکتی ہیں مشکلات

نئی دہلی:(آرکے بیورو )پاکستانی خاتون سیما حیدر کی کہانی اس کے اپنے متضاد بیانات میں الجھ کر رہ گئی ہے،جس کی وجہ سے شکوک وشبہات بڑھتے جارہے ہیں میڈیا میں بنے رہنے کی شوقین سیما جب سے گریٹر نوئیڈا کے ربوپورہ میں آئی ہے، وہ سرخیوں میں ہے اور پولیس بھی اس پر نظر رکھ رہی ہے۔ سوشل میڈیا پر اور میڈیا کے سامنے آئے سیما حیدر کے بیانات کے بعد پولیس کو ایک مرتبہ پھر اس کے دئے گئے بیانات میں تضاد نظر آنے لگا ہے۔ یہی وجہ ہے کہ اتوار کو اچانک نوئیڈا پولس سچن کے ربوپورہ کے گھر پہنچ گئی پولیس کی آمد نے بہت سے سوال کھڑے کردیے ہیں۔
میڈیا رپورٹ کے مطابق پولیس جب سچن اور سیما حیدر کے گھر پہنچی تو اہل علاقہ بھی حیران رہ گئے۔ پہلے تو پولیس کے کہنے کے بعد بھی سچن مینا کے گھر والوں نے دروازہ نہیں کھولا اور پولس کو باہر انتظار کرنا پڑا، لیکن کچھ دیر بعد پولس اندر داخل ہوگئی۔ پولیس نے سچن اور سیما حیدر سے تقریباً ایک گھنٹے تک پوچھ گچھ کی۔ یہ پوچھ گچھ ان نکات پر تھی جن پر پولیس کو شک نظر آرہا ہے۔ یہی وجہ ہے کہ گریٹر نوئیڈا پولیس سیما حیدر سے لگاتار پوچھ گچھ جاری رکھنا چاہتی ہے۔
اب سوال یہ ہے کہ کیا سیما حیدر نے جو بیانات اب تک گریٹر نوئیڈا پولس کو دئے تھے ، اس میں اس نے جھوٹ بول کر پولیس کو گمراہ کرنے کی کوشش تو نہیں کی ہے؟ کیونکہ سیما گزشتہ 10 دنوں میں 100 سے زائد لوگوں کے سامنے ایسے بیانات دے چکی ہے، جن میں کافی تضاد نظر آنے لگا ہے ،دوسری طرف پاکستان سے آنے والی خبریں بھی سیما کے لیے پریشانیاں پیدا کرنے والی ہیں ۔