منی پور: عورتوں کی قیادت میں فسادیوں نے خالی اسکول و گھروں میں آگ لگادی

امپھال: منی پور میں چوراچند پور کے توربنگ بازار علاقے میں مسلح شرپسندوں نے کم از کم 10 خالی مکانات اور ایک اسکول کو نذر آتش کردیا۔ پولیس نے پیر کو یہ جانکاری دی۔ این ڈی ٹی وی کی خبر کے مطابق پولیس نے بتایا کہ سینکڑوں خواتین فسادیوں کے ہجوم کے آگے چل رہی تھیں اور بتایا جا رہا ہے کہ یہ خواتین انسانی ڈھال کے طور پر کام کر رہی تھیں۔ انہوں نے بتایا کہ ہفتہ کی شام حملے کے دوران ہجوم نے کئی گولیاں چلائیں اور خام بم پھینکے۔
توربنگ بازار میں واقع جس اسکول میں آگ لگائی گئی اس کا نام ‘چلڈرن ٹریژر ہائی اسکول’ ہے۔ اس ایک مقامی نے نام ظاہر نہ کرنے کی شرط پر بتایا کہ ’’جب ہم نے دیکھا کہ سینکڑوں خواتین کی قیادت میں ہجوم آگے بڑھ رہا ہے تو ہم نے فائرنگ کا جواب دینے میں ہچکچاہٹ کا مظاہرہ کیا لیکن جب انہوں نے بی ایس ایف (بارڈر سیکورٹی فورس) کی گاڑی چھیننے اور ہمارے گھروں کو جلانے کی کوشش کی تو ہمیں لگا کہ ہمیں بھی جواب دینا پڑے گا۔‘‘ بعد میں ہجوم نے بی ایس ایف کی ایک گاڑی کو لے جانے کی کوشش کی لیکن بی ایس ایف کے مقامی اہلکاروں نے بی ایس ایف کی گاڑی کو لے جانے کی کوشش کی۔ جس کو ناکام بنادیا گیا-