ہجوم نے سی ایم میگھالیہ کے دفتر کو گھیرا،پتھراؤ میں سیکیورٹی اہلکار زخمی،سی ایم دفتر میں محصور

تورا: میگھالیہ کے وزیر اعلیٰ کونراڈ سنگما کے دفتر پر ہجوم نے پیر کو حملہ کیا۔ اس واقعے میں پانچ سیکورٹی اہلکار زخمی ہوئے ہیں۔ حالانکہ سی ایم سنگما محفوظ ہیں۔ وہ ابھی تک تورا میں اپنے دفتر کے اندر موجود ہیں کیونکہ سینکڑوں لوگوں نے احاطے کو گھیرے میں لے رکھا ہے۔ گارو ہلز میں مقیم سول سوسائٹی گروپ ٹورا میں سرمائی دارالحکومت کا مطالبہ کرتے ہوئے بھوک ہڑتال پر ہیں۔
مسئلہ پیر کی شام اس وقت بڑھ گیا این ڈی ٹی وی اور ٹائمس آف انڈیا کی خبر کے مطابق جب سیکڑوں لوگ چیف منسٹر کے دفتر کے باہر جمع ہوگئے اور پتھراؤ شروع کردیا۔ حملے میں پانچ سکیورٹی اہلکار زخمی ہوئے۔ انہیں سی ایم سنگما کے دفتر کے اندر لایا گیا، تصاویر میں زخمی سیکورٹی اہلکار فرش پر لیٹے ہوئے ہیں، جب کہ کونراڈ سنگما ان کی دیکھ بھال کر رہے ہیں۔ اگرچہ سنگما محفوظ ہیں لیکن وہ دفتر سے باہر نہیں جا سکتے کیونکہ مظاہرین نے سڑک کو بلاک کر رکھا ہے۔
وزیراعلیٰ کے دفتر نے کہا ہے کہ صورتحال قابو میں لیکن کشیدہ ہے۔
سی ایم سنگما مظاہرین سے بات کر رہے تھے جب بھیڑ میں سے کچھ لوگوں نے پتھراؤ شروع کر دیا۔ سول سوسائٹی کے گروپ جو تورا میں سرمائی دارالحکومت کا مطالبہ کر رہے ہیں ان میں اچک اور جی ایچ ایس ایم سی شامل ہیں۔
کونراڈ سنگما نے مظاہرین سے سرمائی دارالحکومت کے مطالبے اور ملازمتوں میں ریزرویشن پر بات کرنے کے لیے ملاقات کرنے کو کہا ہے۔ اس میں کابینہ کے وزراء اور دیگر اسٹیک ہولڈرز شرکت کریں گے۔ انہوں نے تنظیموں سے کہا کہ وہ اگلے ماہ ریاستی دارالحکومت میں مذاکرات شروع کرنے سے پہلے اپنا احتجاج ختم کر دیں۔ ذرائع نے بتایا کہ سی ایم سنگما سول سوسائٹی کی تنظیموں کے ساتھ اس معاملے پر تین گھنٹے سے زیادہ بات چیت کر رہے تھے جب بھیڑ میں سے کچھ لوگ، جو مبینہ طور پر گروپوں کا حصہ نہیں تھے، وزیر اعلی کے دفتر کے باہر جمع ہو گئے اور پتھراؤ شروع کر دیا۔ پولیس نے بھیڑ پر قابو پانے کے لیے آنسو گیس چھوڑی۔