تین امریکی ریاستوں میں منی پور میں نسلی تشدد کے خلاف امریکن انڈین کا مظاہرہ

واشنگٹن، ڈی سی: انڈین امریکن اور اتحادیوں نے کیلیفورنیا، نیو جرسی اور میساچوسٹس میں جمعہ اور اتوار کو شمال مشرقی ہندوستانی ریاست منی پور میں جاری نسلی تشدد کی مذمت کے لیے احتجاجی مظاہرے کیے، جس میں کم از کم 130 افراد ہلاک 6,0000 بے گھر ہوئے ہیں۔ تشدد کے اثرات نے بنیادی طور پر منی پور کی کرسچن کوکی زومی کمیونٹی کو متاثر کیا ہے، جس کے نتیجے میں کوکی کی ملکیت والے ہزاروں مکانات اور سیکڑوں گرجا گھروں کو تباہ کر دیا گیا ہے۔
یہ مظاہرے پچھلے ہفتے وائرل ہونے والی ایک ہولناک ویڈیو کے جواب میں تھے، جس میں دو کوکی خواتین کو مردوں کے ایک گروپ کی طرف سے چھیڑ چھاڑ اور برہنہ کرکے پریڈ کرتے ہوئے دکھایا گیا تھا۔سرکار نے اس معاملہ میں کارروائی کرتے ہوئے اب تک دس ملزموں کو گرفتار کیا ہے
خبر کے مطابق کیلیفورنیا میں، انڈین امریکن اور اتحادی کئی اتحادی گروپوں کے زیر اہتمام احتجاج کے لیے آکلینڈ سٹی ہال کی سیڑھیوں پر جمع ہوئے، جن میں نارتھ امریکن منی پور ٹرائبل ایسوسی ایشن (NAMTA)، انڈین امریکن مسلم کونسل (IAMC)، اور امبیڈکر کنگ اسٹڈی سرکل شامل ہیں۔
علاوہ ازیں اسلین، نیو جرسی میں، IAMC نے ایک احتجاج اور کینڈل مارچ کا اہتمام کیا جس میں متنوع عقائد اور نسلی پس منظر سے تعلق رکھنے والے لوگوں نے شرکت کی، بشمول مقامی گرجا گھروں، NAMTA، اور نیشنل ایسوسی ایشن آف ایشین انڈین کرسچنز۔وغیرہ۔