بلند شہر(پریس ریلیز):-
موضع محمد پور کلاں واقع مکتب معاذ بن جبل میں جشن یوم آزادی جوش وخروش سے منایا گیا۔ گھر گھر ترنگا ، ہر گھر ترنگا مہم میں بھی بکتی والوں نے بھرپور انداز میں حصہ لیا اور قومی پرچم کے تئیں اپنی عقیدت کا اظہار کیا۔ اس مہم اور جشن یوم آزادی منانے میں مکتب کے ذمہ داران اور طلباء بھی پیش پیش رہے۔ منگل کو مکتب معاذ بن جبل میں 76 ویں پرچم کشائی کےساتھ ساتھ ریلی نکالی گئی جبکہ گاؤں کی بڑی مسجد میں بھی پرچم کشائی کا اہتمام کیا مکتب معاذ بن جبل میں پرچم کشائی کے بعد ریحان صابری نے پروگرام کی نظامت کے فرائض انجام دیئے جبکہ پروگرام کی صدارت درگاہ سپاہی میاں کے سجادہ نشین علی احمد نے کی، مکتب معاذ بن جبل کے ناظم اعلیٰ قاری محمد زاہد قاسم نے ملک کی آزادی کیلئے اسلاف کی قربانیوں سے طلباء اور عوام کو آگاہ کروایا۔ اس موقع پر یہ عہد بھی کیا گیا کہ ہم تاریخ آزادی کو خود بھی یاد رکھیں اور نئی نسل کو بھی اس سے آگاہ کروائیں گے کیونکہ یہ امانت ہے اور اسے منتقل کرنا اس لئے بھی ضروری ہے تاکہ نئی نسل اسلاف کے عظیم کارناموں اور ان کی قربانیوں پر بجا طور پر فخر کرسکے۔
وہی ریحان صابری نے یوم آزادی کے تعلق سے کہا کہ ملک کی آزادی ہمیں تحفہ میں نہیں ملی اس کے لئے ہمارے علماء کرام نے بہت قربانی دی ہے آج ہماری آنے والی نسل کو کچھ پتہ نہیں ہم کو چاہیے کہ ہم اپنے نو نہالوں کو دنیاوی تعلیم کے ساتھ ساتھ دینی تعلیم سے بھی آگاہ کریں چاہے اس کے لئے ہم کو کتنی ہی محنت کیوں نہ کرنا پڑے انھوں نے کہا کہ انگریز بغرض تجارت ہندوستان میں داخل ہوئے اور آہستہ آہستہ ہندوستان کی ریاستوں پر قبضہ کرنا شروع کیا ۔ اس وقت کے علمائے کرام نے انگریزوں کا مقصد بھانپ لیا تھا اور اسی وقت سے جدوجھد میں مصروف ہوگئے تھے ۔ شاہ ولی اللہ محدث دہلوی نے تحریک آزادی کا آغاز کیا اور آخری دم تک جدوجھد کرتے رہے ۔ افسوس! آج ہماری نسلیں اپنے اسلاف کی قربانیوں سے نا آشنا ہیں۔پروگرام میں حب الوطنی پر مشتمل نظمیں اور ترانے بھی پیش کئے گئے۔
پروگرام میں شرکت کرنے والوں میں، مکتب معاذ بن جبل کے طلبہ کے علاوہ ، مولانا محمد چاند استاد مکتب ھذا ،بڑی مسجد کے امام و خطیب حافظ محمد عارف، چھوٹی مسجد کے امام وخطیب مولانا اشفاق قاسمی، سابق پردھان شاہ جفر، سابق متولی شکیل بھائی، نفیس بھائی، ندیم بھائی، عارف بھائی، اسجد بھائی، بھائی عابد پردھان، نعیم بھائی،امام خاں، آفتاب خاں ،سمیت کافی تعداد میں لوگوں نے شرکت کی، آخر میں مکتب معاذ بن جبل کے بانی و ناظم اعلیٰ قاری محمد زاہد قاسم نے تمام مہمانوں کا شکریہ ادا کیا اس کے بعد صدارت کر رہے علی احمد خاں نے یوم آزادی پر مزید روشنی ڈالی اور ان کی دعا پرپروگرام کا اختتام ہوا ۔
