ممتا کےبعد نتیش کا دعویٰ :لوک سبھا الیکشن قبل ازوقت ہوں گے!

نئی دہلی (آرکےبیورو)راج دھانی کے سیاسی گلیاروں میں یہ بات تیزی سے گردش کررہی ہے کہ لوک سبھاسلیکشن وقت سے پہلے ہوسکتے ہیں -گیس سلینڈر کے داموں میں دوسو روپے کی کمی کو اس کا اشارہ سمجھا جارہا ہے حال ہی میں بنگال کی سی ایم ممتا بنرجی نے جب سے یہ بیان دیا ہے کہ لوک سبھا انتخاب وقت سے پہلے ہو سکتا ہے، سیاسی سرگرمیاں بڑھ گئی ہیں۔ اب بہار کے وزیر اعلیٰ نتیش کمار نے بھی کچھ اسی طرح کا امکان ظاہر کیا ہے۔ نتیش کمار نے منگل کے روز اپنے ایک بیان میں کہا کہ مرکز میں بیٹھی بی جے پی حکومت قبل از وقت لوک سبھا انتخاب کرا سکتی ہے اس بیان نے ہلچل اور بڑھا دی ہے
ایک تقریب میں نالندہ پہنچے وزیر اعلیٰ نتیش کمار نے صحافیوں سے بات کرتے ہوئے کہا کہ انتخاب کبھی بھی ہو سکتا ہے۔ انھوں نے کہا کہ ’’یہ کوئی ضروری نہیں کہ انتخاب وقت پر ہو، مرکز والے پہلے بھی کرا سکتے ہیں۔ یہ بات ہم سات آٹھ ماہ سے کہہ رہے ہیں کہ یہ لوگ پہلے بھی انتخاب کرا سکتے ہیں، اس لیے اپوزیشن کو متحد ہونا چاہیے۔‘