اسرائیلی دفاع میں بائیڈن کا جھوٹ پکڑا گیا، وائٹ ہاؤس نےحماس پر 40بچوں کے قتل کا الزام واپس لے لیا

نیویارک:حماس اسرائیل جنگ میں فیک نیوز کا محاذ بھی گرم ہے
امریکی صدر جو بائیڈن نے بھی اسرائیل کے دفاع کےلیے فیک نیوز کا سہارا لیا اور جھوٹا بیان دے دیا، جس کی وائٹ ہاؤس کو وضاحت کرنا پڑگئی۔امریکی حکومت نے حماس کے عسکری ونگ عزالدین القسام بریگیڈ پر 40اسرائیلی بچوں کے قتل عام سے متعلق عاید الزامات کو واپس لے لیا –
العربیہ نیٹ کے مطابق وائٹ ہاؤس نے امریکی صدر بائیڈن کے ان بیانات کو واپس لے لیا ہے جن میں انہوں نے عزالدین القسام بریگیڈز کے کارکنوں کے حملے کے مناظر کی پرتشدد تصاویر کے بارے میں اپنے عدم اطمینان کا اظہار کیا تھا۔
واشنگٹن پوسٹ نے وائٹ ہاؤس کے ترجمان کے حوالے سے کہا ہے کہ ’’نہ تو صدر بائیڈن اور نہ ہی کسی امریکی اہلکار نے اس بارے میں کوئی تصاویر دیکھی ہیں اور نہ ہی آزادانہ طور پر تصدیق شدہ رپورٹس دیکھی ہیں۔‘‘
ترجمان نے مزید کہا کہ مبینہ مظالم کے حوالے سے بائیڈن کے بیانات اسرائیلی وزیر اعظم بنجمن نیتن یاہو کے ترجمان اور اسرائیلی میڈیا رپورٹس کے الزامات پر مبنی تھے۔
حماس نے ایک بیان میں اس بات کی تصدیق کی ہے کہ فلسطینی مزاحمتی فورسز بچوں کو نشانہ نہیں بناتیں۔ مغربی میڈیا سے مطالبہ کیا کہ وہ اسرائیلی بیانیے کے حوالے سے درست اور متعصب نہ ہوں۔
دوسری طرف امریکہ کے وزیر خارجہ آنتونی بلنکن نے اسرائیل میں حماس کے حملوں میں امریکیوں کی ہلاکتوں کے بارے میں ‘ اپ ڈیٹ ‘ کرتے ہوئے کہا ہے کہ اب تک کم
از کم 25 امریکی ہلاک ہو چکے ہیں