اسرائیلی اپوزیشن لیڈر یائر لاپڈ نے کہا ہے کہ حماس کے بعد غزہ میں اسرائیل کا منصوبہ ابھی تک واضح نہیں ہوا ہے۔ ان کے بیان سے اشارہ ملا کہ اگر حماس کا خاتمہ ہو گیا تو اسرائیل غزہ کو اتھارٹی یا اقوام متحدہ کے کسی ادارے کے حوالے کر دے گا۔
لاپڈ کے بیانات ایک ایسے وقت میں سامنے آئے ہیں جب اسرائیلی فوج نے غزہ پر فضائی، سمندر اور زمین سے مربوط حملے سمیت آپریشنل منصوبوں کے ایک سیٹ پر عمل درآمد کے لیے اپنی تیاری کا اعلان کیا ہے۔فوج نے کہا ہے کہ زمینی بازو اور ٹیکنالوجی و لاجسٹکس ڈپارٹمنٹ اب فوجی دستوں کو لڑائی کو وسعت دینے کے لیے تیار کرنے کے لیے کام کر رہے ہیں۔ فارورڈ لاجسٹکس مراکز کے قیام کا مقصد جنگی افواج کو تیزی سے آگے بڑھنے اور خود کو لیس کرنے کی اجازت دینا ہے۔
دوسری طرف فلسطینی دھڑوں اور اسرائیلی فورسز کے درمیان غیر معمولی کشیدگی کے آٹھویں دن حماس کے سیاسی بیورو کے سربراہ اسماعیل ہنیہ نے ہفتے کے روز کہا کہ 7 اکتوبر کی کارروائی بہت اہم تھی اور یہ اسرائیل کے خلاف ایک زلزلہ ثابت ہوئی۔ ٹیلی ویژن پر نشر اپنی تقریر میں اسماعیل ھنیہ نے کہا کہ اسرائیل غزہ سے فلسطینیوں کو بے گھر کرنے کے لیے کام کر رہا ہے۔ ہم فلسطینیوں کو غزہ سے بے گھر کرنے کے اس منصوبے کو ناکام بنا دیں گے۔
حماس ختم کرکے اسے یواین یا اتھارٹی کو سونپ دیں گے :اسرائیل،منصوبہ کامیاب نہیں ہونے دیں گے:ھنیہ
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔