ایس ڈی پی آئی نے مدھیہ پردیش میں چھ سیٹوں پر امیدوار اتارے

نئی دہلی:(آرکے بیورو)
بھارت کے فاسٹ بولر محمد شامی نے تاریخ رقم کردی۔ درحقیقت، شامی نے انگلینڈ کے خلاف میچ (IND بمقابلہ ENG ورلڈ کپ 2023) میں 4 وکٹیں حاصل کیں اور ساتھ ہی وہ اپنی باؤلنگ کے دوران جونی بیرسٹو، بین اسٹوکس اور عادل رشید کو بھی بولڈ کرنے میں کامیاب رہے۔ یہ کر کے شامی نے اپنے ون ڈے کیریئر میں اب تک 60 بلے بازوں کو بولڈ آؤٹ کرنے کا کارنامہ انجام دیا ہے۔ ایسا کرکے شامی نے بیک وقت کئی بڑے گیند بازوں کا ریکارڈ توڑ دیاہے۔ شامی نے عمران خان، ثقلین مشتاق، عبدالرزاق جیسے مایہ ناز بالروں کو پیچھے چھوڑدیا-واضح ہوکہ ون ڈے میں عمران خان 54 بلے بازوں کو بولڈکرنے میں کامیاب رہے تھے۔ اس کے ساتھ ہی عمر گل نے 54 بلے بازوں کو بولڈ کیا تھا۔ اس کے علاوہ سابق بولر عبدالرزاق نے 57 بلے بازوں کو بولڈ کیا تھا۔ ساتھ ہی سابق تجربہ کار اسپنر ثقلین مشتاق ون ڈے میں 55 بلے بازوں کو بولڈ کرنے میں کامیاب رہے۔ شامی اب ون ڈے میں ان گیند بازوں سے بہت آگے نکل گئے ہیں۔
اس کے ساتھ ہی شامی اپنے ون ڈے کیریئر میں اب تک 178 وکٹیں لینے میں کامیاب رہے ہیں۔ انہوں نے ایسا کارنامہ صرف 96 اننگز میں انجام دیا ہے۔ اس کے علاوہ شامی دنیا کے وہ واحد باؤلر بھی بن گئے ہیں جنہوں نے 96 میچوں کے دوران بلے بازوں کو بولڈکرتے ہوئے 60 وکٹیں حاصل کیں جو آج تک کوئی باؤلر نہیں کر سکا۔