اسرائیل کے خلاف حماس کے 7 اکتوبر کے حملے کے جواب میں غزہ میں اسرائیل کی جوابی کارروائی کی غیر متزلزل حمایت پر بائیڈن انتظامیہ کے اندر اندرونی اختلاف حال ہی میں ایک امریکی عہدہ دار کے استعفیٰ سےسامنے آئے ہیں۔
وائس آف امریکہ کے مطابق جاش پال، چند روز قبل تک اسٹیٹ ڈیپارٹمنٹ کے اس بیورو میں کانگریس اور عوامی امور کے ڈائریکٹر تھے جو غیر ملکی حکومتوں کو ہتھیاروں کی منتقلی اور سیکیورٹی امداد سے متعلق ہے، انہوں نےان پالیسیوں پر احتجاجاً استعفیٰ دے دیا تھا جن کے بارے میں ان کا کہنا تھا کہ وہ سویلینز کی ہلاکتوں کی پرواہ کیے بغیر،اسرائیل کی جوابی کارروائیوں کے لیے، "گرین لائٹ” یعنی اجازت دینے کے مترادف ہیں۔
محکمہ خارجہ نے پال کے استعفیٰ پر یہ کہتے ہوئے کوئی براہ راست تبصرہ نہیں کیاکہ یہ عملے (کی سطح )کا معاملہ ہے۔
محکمہ خارجہ کے عملے کو لکھے گئے خط میں، امریکی وزیر خارجہ انٹنی بلنکن نے ان ذاتی مشکلات کو تسلیم کیا جن کا کچھ لوگوں کو سامنا ہے۔
جاش پال نے وائٹ ہاؤس کےلیے وی او اے کی بیورو چیف پیٹسی وڈاکوسوارا کے ساتھ اس بارے میں بات کی ہے، اور اسرائیل کو غزہ میں اس کی جنگ لڑنے کے لیے ہتھیار فراہم کرنے کے بارے میں ان کے سابق دفتر میں ذمہ دارانہ بحث کے نہ ہونے کو امریکی سٹریٹیجک مفادات اور اقدار کے لیے نقصان دہ قرار دیا ہے۔
اسرائیل کی مستقل حمایت پر امریکی انتظامیہ میں اختلاف، ایک سینئیر عہدیدار مستعفی
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔