سی سی آر یو ایم نے این اے بی ایل بیداری ورکشاپ کا انعقادکیا

نئی دہلی :سنٹرل کونسل فار ریسرچ اِن یونانی میڈیسن (سی سی آر یو ایم)،وزارت آیوش، حکومت ہند نے اپنے ذیلی ادارہ ریجنل ریسرچ انسٹی ٹیوٹ آف یونانی میڈیسن (آر آر آئی یوایم)، ممبئی میں طبی اور غیر طبی سائنسدانوں کے لیے این اے بی ایل بیداری ورکشاپ کا انعقاد کیا۔
ڈاکٹر این ظہیر احمد، ڈائریکٹر جنرل، سی سی آریوایم نے آیوش ریسرچ انسٹی ٹیوٹ کی این اے بی ایل منظوری کی ضرورت و اہمیت پر زور دیا۔ انہوں نے سائنسی دنیا کے لیے طب یونانی میں ثبوت پر مبنی ڈاٹا تیار کرنے کے لیے ملک کے اہم اداروں اورسی سی آریوایم کے مابین مفاہمت ناموں کی اہمیت کو بھی اجاگر کیا۔
ڈاکٹر کوستھوبھا اپادھیائے، ایڈوائزر (آیوروید)،وزارت آیوش نے مہمان خصوصی کی حیثیت سے شرکت کی۔ اس موقع پر انہوں نے بتایاکہ تقریباً 200 آیوش اسپتال این اے بی ایچ سے منظور شدہ ہیں۔ اب توجہ این اے بی ایل کی منظوری کی جانب ہے جو کہ حکومت اور وزارت کی بھی پالیسی ہے۔
ڈاکٹر سنیل ولاس راؤ گیٹے، ڈائریکٹر، نیشنل انسٹی ٹیوٹ آف پبلک ہیلتھ ٹریننگ اینڈ ریسرچ، ممبئی نے تحقیق کے مختلف پہلوؤں اور صحت کی دیکھ بھال کی فراہمی کے نظام میں معیاربندی کی اہمیت پر روشنی ڈالی۔
پروفیسر امِت اگروال، ڈین،آئی آئی ٹی،ممبئی نے کہا کہ تحقیق و ترقی کے ذریعے روایتی طب صحت کے حصول میں اہم کردار ادا کر سکتی ہے۔پروگرام کا اختتام ڈاکٹر نرملا دیوی، ریسرچ آفیسر انچارج،آر آر آئی یو ایم، ممبئی کے کلمات تشکر سے ہوا۔تقریب کے دوران مہمان خصوصی و دیگر معززمہمانوں نے سی سی آر یو ایم کی سرگرمیوں اورحصولیابیوں پر مبنی ہندی اور انگریزی کے بروشر کا اجرا کیا۔