انڈونیشیا میں اسرائیل کی حمایت کرنے پر میکڈونلڈز، سٹاربکس کا بائیکاٹ

جکارتا: انڈونیشیا کے باشندوں نے اکتوبر کے وسط میں میکڈونلڈز اور دیگر کاروباروں کا بائیکاٹ کرنا شروع کردیا جب میک ڈونلڈز نے سوشل میڈیا پر اعلان کیا کہ اس نے حماس کے ساتھ جنگ کے دوران اسرائیلی فوج کو ہزاروں مفت کھانے فراہم کیے ہیں۔الجزیرہ کے مطابق اس اعلان نے کئی انڈونیشی تنظیموں کو ترغیب دی کہ وہ بھی اس سمت میں آگے بڑھیں اور ڈیوسٹمنٹ اینڈ سینکشنز موومنٹ (BDS)، یونائیٹڈ پیپلز فرنٹ (FUB) اور اسلامک ڈیفنڈرز فرنٹ (FPI) شامل ہیں، میکڈونلڈز ،اسٹار بکس اور برگرکنگ سمیت اسرائیل کے حامی سمجھے جانے والے دیگر کاروباروں کے بائیکاٹ کا مطالبہ کریں۔
میکڈونلڈز نے جس کی ملکیت PT Rekso Nasional Food ہے، گزشتہ ہفتے اعلان کیا تھا کہ اس نے فلسطینیوں کی مدد کے لیے "IDR [انڈونیشیائی روپیہ] 1,5 بلین [$96,000]] کی مالیت کی انسانی امداد کی یہ بائیکاٹ کا ہی اثر ہے کہ دنیا بھر میں اس کے زیادہ تر ریستوراں مقامی طور پر ملکیت میں ہیں، اور متعدد مسلم ممالک میں فرنچائزز نے فلسطینیوں کی حمایت کا اظہار کیا ہے اور غزہ میں امدادی سرگرمیوں میں مدد کے لیے رقم کا وعدہ کیا ہے انڈونیشیا کے صدر جوکو ویدوڈو نے امریکی صدر جو بائیڈن پر غزہ میں اسرائیلی مظالم ختم کرنے کے لئے دباؤ ڈالا ہے۔
اتوار کے روز، دسیوں ہزار انڈونیشی باشندے، بشمول وزیر خارجہ ریتنو مارسودی اور جکارتہ کے سابق گورنر اور صدارتی امیدوار Anies Baswedan، فلسطینیوں کے ساتھ اظہار یکجہتی کے لیے جکارتہ میں قومی یادگار پر جمع ہوئے اور غزہ میں فوری جنگ بندی کا مطالبہ کیا۔سیکورٹی خدشات کی وجہ سے، یادگار کے قریب McDonald’s اور Starbucks کی کئی شاخیں مظاہرے کے دن بند کر دی گئیں۔
پچھلے ہفتے، انڈونیشیا کی علماء کونسل (MUI)، انڈونیشیا کے اعلیٰ مسلم علما کے ادارے نے ایک فتویٰ جاری کیا کہ "فلسطین کے خلاف اسرائیلی جارحیت یا اسرائیل کی راست یا بالواسطہ حمایت کرنے والی جماعتوں” کی حمایت کرنا حرام ہے۔