مودی کی مخالفت کرنے پر میرے اوپر 24کیس،اویسی پر ایک بھی نہیں، کیوں:راہل کا سوال

حیدرآباد۔ کانگریس لیڈر راہل گاندھی نےکہاکہ ان کی منشاء ملک میں نفرت کوختم کرنا ہے اور اس کام کے لئے مرکز میں وزیراعظم نریندرمودی کو شکست دینے کی ضرورت ہے۔
منگل کو نامپلی میں ایک انتخابی ریالی سے خطاب کرتے ہوئے انہوں نے الزام لگایاکہ آر ایس ایس‘ مودی اور ”تعصب پرستوں“ نے پورے ملک میں نفرت پھیلائی ہے۔واضح ہو تلنگانہ میں انتخابی مہم ختم ہوگئی ہے یہاں تیس نومبر کو ووٹ ڈالےجائےں گے
امیوں نے کہا کیونکہ وہ مودی کے خلاف لڑرہے ہیں اس لئے ‘ ان کے خلاف مختلف ریاستوں 24مقدمات درج ہوئے ہیں اور وقت وقت پرعدالت سے انہیں سمن آتا ہے۔انہوں نے کہاکہ ”ہتک عزت کے معاملے میں انہیں دوسال قید کی سزا ہوئی میری لوک سبھا رکنیت منسوخ کردی گئی تھی۔ میرا سرکار گھر چھین لیاتھا۔میں نے کہامجھے یہ نہیں چاہئے۔میرے گھر ملک کے کروڑ ہالوگوں کے دل میں ہے
گاندھی نے کہاکہ ”یہ لڑائی نظریاتی ہے اور میں کوئی سمجھوتا اس پر نہیں کروں گا“
اے ائی ایم ائی ایم صدر اسدالدین اویسی پر وار کرتے ہوئے انہوں نے پوچھا کہ اویسی کے خلاف کئی مقدمات کیوں نہیں ہیں۔ دعوی کرتے ہوئے کہ ای ڈی اور سی بی ائی جیسی ایجنسیاں ہر وقت ان کے پیچھے رہتی ہیں‘ گاندھی نے پوچھا کہ اویسی کے پیچھے کوئی ایجنسی کیوں نہیں ہے۔
انہوں نے دعوی کیاکہ یہ اویسی کے حلاف کوئی کیس کیوں نہیں ہے ایسا سوال پیدا ہوتا ہے او رجواب یہ ہے کہ اے ائی ایم ائی ایم صدر مودی کی مدد کررہے ہیں۔انہوں نے اے ائی ایم ائی ایم کومختلف ریاستوں میں بی جے پی کی مدد کرنے اور کانگریس کونقصان پہنچانے کے لئے امیدواروں کومیدا ن میں اتارنے کے لئے مورد الزام ٹہرایاہے