دہلی میں اسرائیلی سفارت خانے کے قریب دھماکے کی خبر، پولیس تحقیقات میں مصروف

نئی دہلی:منگل کی شام نئی دہلی میں اسرائیل کے سفارت خانے کے قریب ایک دھماکہ ہوا اور جائے وقوعہ سے اسرائیلی سفیر کے نام ایک خط برآمد ہوا ہے۔ افسران نے یہ معلومات فراہم کیں۔
پرائیوٹ نیوز چینل NDTV India کی رپورٹ کے مطابق حکام کا کہنا ہے کہ ابھی تک جائے وقوعہ سے کوئی دھماکہ خیز مواد نہیں ملا ہے۔ سرچ آپریشن جاری ہے اور سفارتخانے کا تمام عملہ محفوظ ہے۔ دہلی پولیس ذرائع نے بتایا کہ اسرائیلی سفیر کے نام ایک ٹائپ شدہ خط سفارت خانے کے پیچھے باغیچے کے علاقے سے ملا ہے، جہاں دھماکہ ہوا تھا۔
اسرائیلی سفارتخانے نے دھماکے کی تصدیق کرتے ہوئے کہا کہ خط کی صداقت کی چھان بین کی جا رہی ہے۔ اسرائیلی سفارتخانے کے ترجمان گائے نیر نے کہا کہ ہم اس بات کی تصدیق کر سکتے ہیں کہ تقریباً 5 بج کر 48 منٹ پر سفارت خانے کے قریب دھماکہ ہوا۔ دہلی پولیس اور سیکورٹی ٹیم ابھی بھی صورتحال کی جانچ کر رہی ہے۔
ہندوستان میں اسرائیلی مشن کے نائب سربراہ اوہد نقاش کینر نے کہا کہ ہمارے تمام سفارت کار اور عملہ محفوظ ہیں۔ ہماری سیکورٹی ٹیم دہلی میں مقامی سیکورٹی ٹیم کے ساتھ مکمل تعاون کے ساتھ کام کر رہی ہے اور وہ اس معاملے کی مزید تفتیش کریں گے۔ ،
اطلاع شام 5:45 پر موصول ہوئی۔
دہلی فائر سروس ڈپارٹمنٹ کے حکام کے مطابق دھماکے کی اطلاع دینے والی کال شام 5.45 بجے آئی اور اسے دہلی پولیس کے پی سی آر (پولیس کنٹرول روم) کے ذریعے منتقل کیا گیا۔ فائر ڈیپارٹمنٹ نے فوری طور پر دو فائر انجنوں کو موقع پر روانہ کیا۔ حکام نے بتایا کہ پولیس اور فائر ڈپارٹمنٹ کے اہلکار موقع پر موجود ہیں اور تلاشی مہم جاری ہے۔سورس،(NDTV India)