راہل کی یاترا سے کانگریس کو ووٹ نہیں ملیں گے :بدرالدین اجمل

بارپیٹا: کل ہند متحدہ ڈیموکرٹیک فرنٹ(اے ائی یو ڈی ایف) سربراہ مولانا بدرالدین اجمل نے دہرایا کہ کانگریس لیڈر راہل گاندھی ’بھارت نیائےیاترا‘ شروع کریں گے مگر لوگ کانگریس کو ووٹ نہیں دیں گے۔
آسام کے ضلع بار پیٹا کے باگماراچارا میں ایک عوامی جلسہ عام میں شرکت کے بعد میڈیاسے بات کرتے ہوئے بدرالدین اجمل نے کہاکہ ”راہل نہرو فیملی کے بیٹے ہیں۔جب وہ کہیں پر جاتے ہیں لوگ جمع ہوتے ہیں اور لوگ انہیں ہیرو کی طرح دیکھنا چاہتے ہیں۔ مگر لوگ کانگریس کے لئے ووٹ نہیں کریں گے۔
یہ کام نہیں کرے گا“۔راہل گاندھی 14جنوری کو منی پور سے ”بھارت نیا یاترا‘’شروع کریں گے۔اس سے قبل بھی بدرالدین اجمل نے یہ کہاتھا کہ وہ ملک کا 50فیصد حصہ گھوم چکے ہیں اور یہ بہت اچھا ہے۔اجمل نے پوچھا تھا کہ ”مگر انہیں نتیجے میں کیا ملا‘ کیاانہیں متوقع نتیجہ ملا ہے؟“۔دوسری جانب دہلی چیف منسٹر اروندر کجریوال کو دی گئی ای ڈی کی نوٹس پر پوچھے گئے سوال کے جواب میں اے ائی یو ڈی ایف سربراہ نے کہاکہ مودی جی کے پاس دباؤ کے لئے نئی لائن نہیں ہے اور وہ کجریوال اور جھارکھنڈ کے چیف منسٹر ہمینت سورین کوجیل میں ڈال دیں گے۔اجمل نے کہاکہ ”انڈیا الائنس کے لئے یہ خطرہ ہے۔ اگر آپ لوگ خاموش نہیں بیٹھیں گے تو پھر ہم ہر کسی کو ایک کے بعد دیگر ای ڈی کے حوالے کردیں گے۔ جتنے لوگوں کو خوفزدہ کرنا وہ چاہتے ہیں کرنے کی کوشش کررہے ہیں“۔