اسرائیل کے سابق وزیر اعظم نفتالی بینیٹ نے العربیہ کو انٹرویو دیتے ہوئے کہا ہے کہ اسرائیلی حکومت غزہ پر حکومت کرنے کا ارادہ نہیں رکھتی۔ہم جنگ کے خاتمے کے بعد غزہ پر حکومت نہیں کرنا چاہتے۔ ہمارا بنیادی ہدف غزہ اور غرب اردن میں حماس کے وجود کو ختم کرنا ہے۔
انہوں نے مزید کہا کہ "ہم فلسطینیوں پر حکمرانی نہیں کرنا چاہتے۔ ہم چاہتے ہیں کہ وہ خود مختار ہوں، لیکن خود مختاری اسرائیل کو مٹانے کے اعلان پر نہیں بلکہ اسرائیل کو تسلیم کرنے کی شرط پر ہونی چاہیے۔
جب غزہ پراسرائیلی بمباری کی وجہ سے بڑی تعداد میں ہلاکتوں کے بارے میں پوچھے گئےسوال پر بینیٹ نے اسے حماس کو ختم کرنے کے لیے "کولیٹرل ڈیمیج” قرار دیتے ہوئے کہا کہ یہ تعداد دوسری جنگ عظیم کے مقابلے میں کم ہے۔
جب ان سے پوچھا گیا کہ آیا اسرائیل تمام فلسطینیوں کو حماس سمجھتا ہے اور انہیں اجتماعی سزا دینا چاہتا ہے۔ اس پر بینیٹ نے کہا کہ 7 اکتوبر کے حملے میں بہت سے شہریوں نے حماس کی مدد کی تھی۔
اپنے استعفیٰ سے قبل بینیٹ نے اعلان کیا تھا کہ وہ ان ناکامیوں کے ذمہ دار ہیں جن کی وجہ سے اسرائیل پر حماس کا حملہ ہوا۔ تاہم اس حوالے سے اسرائیلی وزیراعظم نیتن یاھو خاموش ہیں۔
ٹائمز آف اسرائیل اخبار کے مطابق انہوں نے ایک مکتوب میں اعتراف کیا کہ وہ اس حملے کی ذمہ داری قبول کرتے ہیں کیونکہ انہوں نے نے 12 ماہ تک وزیر اعظم کے طور پر خدمات انجام دی تھیں۔
اسرائیل کوتسلیم کرنے کی شرط پر فلسطینیوں کی خود مختاری کے حامی ہیں: بینیٹ
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔