دہلی کے سیلیم پور میں  فائرنگ ،نوجوان اربازکا قتل ،دوسرا عابد شدید زخمی ،گینگ وار  کا نتیجہ؟

ہفتہ کی رات شمال مشرقی دہلی کے سیلم پور علاقے میں مسلح حملہ آوروں نے دو نوجوانوں پر گولی چلا دی۔ فائرنگ سے ایک نوجوان جاں بحق جبکہ دوسرا شدید زخمی ہے۔ مقتول کی شناخت ارباز کے نام سے ہوئی ہے جو کہ جعفرآباد کا رہائشی ہے۔ ادھر زخمی عابد ہسپتال میں زیر علاج ہے۔ یہ واقعہ سیلم پور کے پبلک ٹوائلٹ کے قریب رات پونے نو بجے پیش آیا۔
ضلعی پولیس کے ڈپٹی کمشنر جوئے ٹرکی نے کہا کہ دو متاثرین میں سے ارباز کے خلاف مجرمانہ مقدمات درج ہیں اور عابد کے ریکارڈ کی بھی چھان بین کی جا رہی ہے۔ فائرنگ کرنے والوں کی شناخت اور قتل کی وجہ جاننے کے لیے سی سی ٹی وی اور دیگر معلومات حاصل کی جا رہی ہیں۔
پولیس ذرائع کا کہنا ہے کہ گینگ وار کے امکان کو رد نہیں کیا جا سکتا۔ گزشتہ سال 5 جون کو ارباز کو جعفرآباد کے علاقے میں گولی مار کر زخمی کر دیا گیا تھا۔ اس واقعے میں ان کا بھائی حمزہ جاں بحق ہو گیا تھا۔ اس معاملے میں سات افراد کو گرفتار کیا گیا تھا۔
پولیس ذرائع کا کہنا ہے کہ گینگ وار کے امکان کو رد نہیں کیا جا سکتا۔ گزشتہ سال 5 جون کو ارباز کو جعفرآباد کے علاقے میں گولی مار کر زخمی کر دیا گیا تھا۔ اس واقعے میں اس کا بھائی حمزہ جاں بحق ہو گیا تھا۔ اس معاملے میں سات افراد کو گرفتار کیا گیا تھا۔