کیجریوال نے دوسروں کے ساتھ مل کر سازش رچی، گرفتاری جائز: دہلی ہائی کورٹ

دہلی کے وزیر اعلی اروند کیجریوال کو دہلی ہائی کورٹ سے بڑا جھٹکا لگا ہے۔ ہائی کورٹ نے ای ڈی کی گرفتاری اور ای ڈی ریمانڈ پر بھیجنے کے ٹرائل کورٹ کے حکم کو چیلنج کرنے والی درخواست کو مسترد کر دیا ہے۔ عدالت نے شراب پالیسی کیس میں اروند کیجریوال کی ای ڈی کی گرفتاری کو درست قرار دیا ہے۔
واضح ہو کہ سی ایم کیجریوال کو 21 مارچ کو ای ڈی نے دہلی شراب پالیسی سے متعلق مبینہ منی لانڈرنگ کیس میں گرفتار کیا تھا۔ اس معاملے میں جسٹس سوارن کانتا شرما نے 3 اپریل کو طویل دلائل سننے کے بعد اپنا فیصلہ محفوظ کر لیا تھا جس کے بعد منگل 9 اپریل کو فیصلہ آیا۔
دہلی ہائی کورٹ نے کیا کہا
فیصلہ سناتے ہوئے، دہلی ہائی کورٹ نے کہا، "ای ڈی کی طرف سے جمع کردہ مواد سے پتہ چلتا ہے کہ اروند کیجریوال نے دوسروں کے ساتھ مل کر سازش کی تھی۔ ای ڈی کیس یہ بھی ظاہر کرتا ہے کہ وہ ذاتی طور پر عام آدمی پارٹی کے کنوینر کے ساتھ کام کرتے تھے۔”
ہائی کورٹ نے کہا،”ملزم سے گواہ بنے کو معافی دینا ای ڈی کے دائرہ اختیار میں نہیں آتا ہے، بلکہ یہ ایک عدالتی عمل ہے۔ اگر آپ معافی کے عمل پر شک کر رہے ہیں، تو آپ اصل میں جج پر الزام لگا رہے ہیں۔”
اس کے ساتھ ہی فیصلہ سناتے ہوئے جسٹس نے کہا، "یہ مرکزی حکومت اور کیجریوال کے درمیان کا معاملہ نہیں ہے، بلکہ ای ڈی اور ان کے درمیان کا معاملہ ہے۔ ان کوایجنسی نے منی لانڈرنگ کیس میں گرفتار ای ڈی کے پاس کافی ثبوت ہیں۔وزیر اعلیٰ کو تفتیش میں پوچھ گچھ سے استثنیٰ نہیں دیا جا سکتا۔ جج قانون کا پابند ہوتا ہے، سیاست کا نہیں۔”