حیدرآباد ۔ وزیراعظم نریندر مودی نے کانگریس کو شدید تنقید کا نشانہ بناتے ہوئے کہا کہ ایس سی ، ایس ٹی اور او بی سی کا ریزرویشن مذہب کی بنیاد پر مسلمانوں کو دینے کی اجازت نہیں دی جائے گی۔ سیاست نیوز کے مطابق ،مودی نے کہا کہ 2004-2009 میں تلنگانہ میں کانگریس نے مسلمانوں کو ریزرویشن کی فراہمی کے احکامات راتوں رات جاری کئے ۔ ظہیر آباد میں انتخابی ریلی سے خطاب کرتے ہوئے مودی نے کہا کہ جب تک وہ زندہ ہیں مذہب کی بنیاد پر ریزرویشن کی اجازت نہیں دیں گے۔ مودی نے کہا کہ کانگریس کی پچھلی حکومتوں نے ملک کو تباہی کے دہانے پر کھڑا کیا اور قرض کے گڑھے میں ڈھکیل دیا تھا لیکن بی جے پی حکومت نے ملک کو اس دلدل سے نکالا۔ چیف منسٹر تلنگانہ ریونت ریڈی کا نام لئے بغیرمودی نے کہا کہ موجودہ ڈبل آر حکومت بھی تلنگانہ کو لوٹنا چاہتی ہے۔مودی نے کہا کہ بی آر ایس اور کانگریس ایک ہی ہیں۔ انہوں نے کہا کہ مرکز میں تیسری میعاد میں ملک کو مزید ترقی دی جائے گی۔ مودی نے لوک سبھا حلقہ ظہیر آباد اور لوک سبھا حلقہ میدک کے امیدواروں بی بی پاٹل اور رگھونندن راؤ کو کامیاب بنانے کی اپیل کی ہے۔
مذہب کی بنیاد پر مسلمانوں کو ریزرویشن کی اجازت نہیں دی جائے گی: پی ایم
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔