اروندر سنگھ لولی بی جے پی سے کانگریس پھر بی جے پی میں

دہلی کانگریس صدر کے عہدے سے استعفیٰ دینے کے بعد ارویندر سنگھ لولی کے بارے میں قیاس آرائیوں کا ایک دور شروع ہو گیا تھا کہ ان کا اگلا قدم کیا ہوگا، لیکن آج یہ قیاس آرائیاں ختم ہوگئیں۔ دراصل ارویندر سنگھ لولی آج بی جے پی میں شامل ہو گئے ہیں۔ لولی کے ساتھ کانگریس لیڈر راج کمار چوہان، امیت ملک، نصیب سنگھ اور نیرج بسویا بھی بی جے پی میں شامل ہو گئے ہیں۔ ارویندر سنگھ لولی نے مرکزی وزیر ہردیپ سنگھ پوری، دہلی بی جے پی کے صدر وریندر سچدیوا اور پارٹی کے قومی جنرل سکریٹری ونود تاوڑے کی موجودگی میں بی جے پی میں شمولیت اختیار کی۔
اس دوران بی جے پی کے قومی جنرل سکریٹری ونود تاوڑے نے کہا کہ رائے بریلی میں پرینکا گاندھی کے پوسٹر لگائے گئے تھے، کانگریس کارکن چاہتے تھے کہ پرینکا گاندھی رائے بریلی سے الیکشن لڑیں۔ لیکن راہل گاندھی آئے اور رائے بریلی سے پرچہ نامزدگی داخل کیا۔ پی ایم مودی کا نعرہ ہے بیٹی بچاؤ، بیٹی پڑھاؤ، لیکن کانگریس کا نعرہ ہے بیٹا بچاؤ، بیٹا پڑھاؤ۔ اس قسم کی سیاست سے تنگ آ چکے ہیں۔
بی جے پی میں شامل ہونے کے بعد ارویندر سنگھ لولی نے کہا کہ آپ جانتے ہیں کہ کن حالات میں میں نے دہلی کانگریس کے صدر کے عہدے سے استعفیٰ دیا۔ ہمارے حامیوں نے ہمیں کہا کہ آپ کو گھر بیٹھنے کی ضرورت نہیں، میں نے استعفیٰ دینے کے بعد گھر پر رہنے کا فیصلہ کیا تھا، لیکن ہمیں دہلی اور ملک کے لیے لڑنے کو کہا گیا
کانگریس لیڈر دیویندر یادو نے کہا کہ کچھ لوگوں کی فطرت ایسی ہوتی ہے کہ جب ماں کو ان کی سب سے زیادہ ضرورت ہوتی ہے تو وہ انہیں بہت پریشان کرتے ہیں۔ کانگریس نے انہیں (لولی) بچوں کی طرح پالا ہے۔ یہاں تک کہ جب کانگریس کو کارپوریشن انتخابات کی ضرورت تھی، وہ پارٹی چھوڑ گئے ۔