لکھنؤ:نیشنل کمیشن فار انڈین سسٹم آف میڈیسن(این سی آئی ایس ایم) نے پورے ملک کے لئے آیوش کے فروغ کے لئے بہت اہم پروگرام ترتیب دئے ہیں جن کے عمل میں آنے کے بعد آیوروید، یونانی اور ہومیوپیتھی کے میڈیکل اداروں کی تعداد میں کافی اضافہ ہوگا اور موجودہ آیوش سنٹروں سے بھی زیادہ سے زیادہ عوام کو طبی سہولیات حاصل ہوں گی. سبھی آیوش ڈاکٹروں کا سنٹرل رجسٹریشن کا کام بھی تیزی سے جاری ھے.
انسٹیٹیوٹ فار سوشل ہارمونی اینڈ اپلفٹمنٹ کے ٹرسٹیز کی میٹنگ اسلامک سنٹر آف انڈیا، عیش باغ میں مولانا خالد رشید فرنگی محلی کی سرپرستی اور ڈاکٹر انیس انصاری صاحب کی صدارت میں منعقد ہوئی.
میٹنگ میں اتر پردیش حکومت کے ذریعہ صوبہ کے مختلف اضلاع میں یونانی ہسپتال و ڈسپنسری کے قیام کے تعلق سے کئے گئے فیصلوں پر خوشی کا اظہار کیا گیا اور امید کی گئی کہ جلد ہی تمام فیصلوں پر عملدرآمد کیا جائے گا. تکمیل الطب کالج کے پرانے کیمپس میں بن رھے پچاس بیڈ کے یونانی اسپتال کے رکے ہوئے کام کو شروع کرانے اور یونانی ڈویژنل آفسز کے قیام کے لئے وزیر آیوش یا پھر پرنسپل سیکرٹری آیوش سے ملاقات کر کے کاموں کو جلد انجام دینے کے لئے درخواست کی جائے گی. اس کے ساتھ ہی یہ بھی طے پایا کہ اتر پردیش میں یونانی کے جو بھی کام زیر التوا ہیں ان سب کے لئے مولانا خالد رشید صاحب کی جانب سے وزیر اعلیٰ کو خط لکھا جائے گا.
اجمل خان طبیہ کالج، مسلم یونیورسٹی میں اشو کے ذریعہ ایک کانفرنس برائے سرجری منعقد کرانے کا فیصلہ کیا گیا جس کے لئے وہاں کے پرنسپل ڈاکٹر بی ڈی خان صاحب سے رابطہ کیا گیا، پرنسپل صاحب سے جلد ہی اس سلسلے میں ملاقات کی جائے گی.
اشو کے کاموں کو منظم کرنے کے لئے دو کمیٹیوں کے قیام کا فیصلہ کیا گیا ھے. محکمہ آیوش کے معاملات کو دیکھنے کے لئے ڈاکٹر عامر جمال کو کنوینر بنایا گیا ھے اور حکومت کے سماجی و اقلیتی فلاحی منصوبوں پر کام کرنے کے لئے مجتبٰی خان کی کنوینر شپ میں کمیٹی قائم کی گئی ھے. ڈاکٹر عامر جمال اور مجتبٰی خان اپنی اپنی کمیٹی کے لئے افراد کا انتخاب کریں گے.
حکومت اتر پردیش کے دستکاروں کی فلاح و بہبود کے لئے ایک ضلع ایک صنعت کے نام سے جاری منصوبے کو دستکاروں سے وابستہ کرنے کی کوشش کی جائے گی اور مسلم اکثریتی علاقوں کے لئے سبھی فلاحی کاموں کے لئے لوگوں کو باخبر کرنے کی کوشش کی جائے گی.
میٹنگ میں مولانا خالد رشید فرنگی محلی ، ڈاکٹر انیس انصاری ، محمد خالد، سہیل احمد صدیقی، معید احمد ،ڈاکٹر آفتاب احمد ہاشمی، سید محمد شعیب، ڈاکٹر الطاف الرحمن ، ڈاکٹر معید احمد ،ڈاکٹر اشفاق احمد، مجتبٰی خان، ظفر ادریسی ، ڈاکٹر عامر جمال اور محمد عمر موجود رھے.(سورس:پریس ریلیز)
"فروغ یونانی کے لئے وزارت آیوش، حکومت ہند کے منصوبے قابل ستائش”
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔