سنگھ کے آرگنائزر نے این سی پی اجیت پوار کو این ڈی اے میں لینے پر سوال اٹھائے

راشٹریہ سویم سیوک سنگھ (آر ایس ایس) کے ماؤتھ پیس آرگنائزر نے اجیت پوار کی قیادت والی این سی پی کو بی جے پی اور شیو سینا حکومت میں شامل کرنے پر سوالات اٹھائے ہیں۔
آر ایس ایس نے اپنے ترجمان میں لکھا ہے کہ بی جے پی-شیو سینا حکومت میں نیشنلسٹ کانگریس پارٹی (اجیت پوار) کو شامل کرنا ایک غلط قدم تھا۔ اس سے بی جے پی کارکنوں کو تکلیف ہوئی ہے۔
کالم نگار اور آر ایس ایس کے رکن رتن شاردا نے آر ایس ایس کے آرگن  میں لکھا ہے کہ مقامی لیڈروں کو نظرانداز کرتے ہوئے کئی لوک سبھا سیٹوں کے لیے ’’دل بدلو‘‘ لیڈروں کو امیدوار بنایا گیا۔ اور دل بدلووں  کو ٹکٹ دینے میں اچھے ایم پی ایز کو نظر انداز کیا گیا۔
این سی پی (اجیت پوار) نے آر ایس ایس کے ترجمان میں شائع ہونے والے اس مضمون پر سخت ردعمل ظاہر کیا ہے۔
این سی پی کے ترجمان امیش پاٹل نے کہا، "آرگنائزر آر ایس ایس کا سرکاری ترجمان نہیں ہے اور آر ایس ایس کے نظریے کی عکاسی نہیں کرتا ہے۔ مجھے نہیں لگتا کہ بی جے پی کے سینئر لیڈر اس مضمون سے اتفاق کریں گے۔”
"جب پارٹیاں ایک دوسرے کے خلاف ہوتی ہیں تو وہ خامیاں ڈھونڈتی ہیں اور الزامات لگاتی ہیں۔ سیاست میں ایک دوسرے پر الزامات اور جوابی الزامات لگائے جاتے ہیں۔ ہر چیز کا انحصار انتخابات کے نتائج پر ہوتا ہے۔ مجھے نہیں لگتا کہ اس مضمون میں کوئی صداقت ہے۔ "
واضح ہو اس سے قبل سنگھ کے سربراہ بھاگوت کا بیان سامنے آیا تھا اور بی جے پی لیڈروں کے تاناشاہی رویے کے حوالہ سے سخت سوالات اٹھا ہے تھے۔