سنجے جھا جے ڈی یو کے ورکنگ صدر بنے،بہار کو خصوصی درجہ کی مانگ دہرائی

نئی دہلی: وزیر اعلیٰ نتیش کمار نے پارٹی کے سینئر لیڈر سنجے جھا کو ایک بڑی ذمہ داری سونپی ہے۔ سنجے جھا کو جے ڈی یو کا قومی ورکنگ صدر بنایا گیا ہے۔ جے ڈی یو کی ایگزیکٹو میٹنگ میں اس کی منظوری دی گئی۔ سی ایم نتیش کمار نے کہا کہ سنجے جھا کو پارٹی کا قومی ورکنگ صدر بنانے کا متفقہ فیصلہ کیا گیا ہے۔ اس سے پہلے سنجے جھا پارٹی کے جنرل سکریٹری تھے۔ اسے ترقی دی گئی ہے۔
بہار کو خصوصی ریاست کا درجہ دینے کا مطالبہ: جے ڈی یو کی ایگزیکٹو میٹنگ میں بہار کو خصوصی ریاست کا درجہ دینے کی قرارداد  پیش کی گئی۔ جے ڈی یو نے مرکزی حکومت سے بہار کو خصوصی ریاست کا درجہ دینے کی مانگ کی ہے۔ پارٹی اپنے پرانے مطالبے پر ڈٹی ہوئی ہے۔ جے ڈی یو مرکزی حکومت میں شراکت دار ہے۔ پارٹی کے دو ایم پی مرکز میں وزیر ہیں۔ ایگزیکٹو میٹنگ میں یہ بھی فیصلہ کیا گیا ہے کہ پارٹی جھارکھنڈ میں ہونے والے اسمبلی انتخابات میں اپنے امیدوار کھڑے کرے گی۔ جے ڈی یو جھارکھنڈ میں پہلے بھی الیکشن لڑتی رہی ہے لیکن پارٹی کو کبھی کوئی بڑی کامیابی نہیں ملی۔
لوگوں نے میٹنگ میں بڑے فیصلے لینے کی امید ظاہر کی تھی  مگر ایسا کچھ نہیں ہو ان فیصلوں کی پہلے سے ہی توقع کی جارہی تھی-بہار کو خصوصی درجہ دینے کی پرانی مانگ ہے جسے مودی سرکار نے آج تک منظور نہیں کیا