سی ایم آسام کا کا پھر نفرتی بیان، کہا- اقلیتی برادری صرف فرقہ وارانہ سرگرمیوں میں ملوث ہونا جانتی ہے

نئی دہلی (رپورٹ :نندا گھوش)
یہ یقینی طور پر پہلی بار نہیں ہے کہ آسام کے بی جے پی وزیر اعلیٰ نے مذہب، ذات پات اور برادری کے نام پر لوگوں کو تقسیم کرنے والی تقریر کی ہو۔ یہ ذات پات، کمیونٹی اور مذہب کے نام پر ہندوستانی جمہوریت کا ایک اور انحطاط اور تنزلی ہے
22جون، 2024 کو آسام سے  بی جے پی کے جیتنے والے امیدواروں کی تقریب کے دوران، آسام کے سی ایم ہمانتا بسوا سرما نے دعوی کیا ہے کہ ‘بنگلہ دیشی نژاد’ اور اقلیتی برادریوں نے 2024 کے عام انتخابات میں کانگریس کو بھاری اکثریت سے ووٹ دیا ہے۔ .انہوں نے میڈیا کو بتایا کہ انہوں نے "مرکز اور ریاست میں بی جے پی کی قیادت والی حکومتوں کے ذریعہ ان کے لئے کئے گئے ترقیاتی کاموں پر غور کئے بغیر” کانگریس کو ووٹ دیا ہے۔
انہوں نے کہا، "ہم نے کانگریس کے 39 فیصد ووٹوں کا تجزیہ کیا، یہ پوری ریاست میں پھیلا ہوا نہیں ہے۔ اس کا پچاس فیصد 21 اسمبلی حلقوں میں مرکوز ہے جو اقلیتی اکثریتی حلقوں میں ہیں۔ ان اقلیتی اکثریت والے حلقوں میں، بی جے پی کو 3 فیصد ووٹ ملے ہیں۔ "
مجموعی طور پر، بی جے پی نے 2024 کے 18 ویں لوک سبھا انتخابات میں تقریباً 240 سیٹیں جیتی ہیں، لیکن آسام میں بی جے پی نے اپنے ووٹ شیئر کے لحاظ سے مایوس کن کارکردگی کا مظاہرہ کیا۔
فرقہ وارانہ جذبات کو مزید بھڑکاتے ہوئے، سرما نے دعویٰ کیا ، "اس الیکشن نے ایک بات ثابت کر دی ہے کہ ہندو فرقہ پرستی میں ملوث نہیں ہیں۔ آسام میں اگر کوئی فرقہ پرستی کرتا ہے، تو ایک کمیونٹی  کرتی ہے، ایک مذہب کرتا ہے۔ اور کوئی فرقہ پرستی نہیں کرتا، ۔
اقلیتی برادری پر الزام لگاتے ہوئے سرما نے مزید کہا کہ کانگریس کے دور میں اقلیتی طبقہ کے لوگ غربت کی وجہ سے کسمپرسی کی زندگی گزار رہے تھے، اقلیتی علاقوں میں ایک بھی سڑک نہیں تھی، بجلی نہیں تھی، پھر بھی، اقلیتیں کانگریس کو ووٹ دیتی ہیں اور اس بار بھی انہوں نے اپنے ووٹوں سے کانگریس کو بھر دیا ہے۔” سرما آسام کے موجودہ وزیر اعلیٰ ہیں۔ مزید آگے بڑھتے ہوئے، وہ مبینہ طور پر اپنی پارٹی، بی جے پی کو ‘ہندو سماج’ کے لیے کھڑا ہونے کا بیان کرتے ہوئے متعصبانہ موقف اپناتے ہیں۔
واضح ہو سرکاری اعداد و شمار کے مطابق ریاست میں مسلم کمیونٹی میں اسکول چھوڑنے کی شرح 29 فیصد ہے۔ ریاست میں ان کی تعلیم کی شرح دیگر پسماندہ برادریوں جیسے درج فہرست ذاتوں اور درج فہرست قبائل سے کم ہے۔(سورس:سب رنگ انڈیا)