نئی دہلی : ایک ہولناک واقعہ میں، منگل کو اتر پردیش ہاتھرس میں ایک مذہبی تقریب میں بھگدڑ مچنے سے خواتین اور تین بچوں سمیت کم از کم 87 افراد ہلاک ہو گئے۔بھگدڑ ایک ‘ستی سنگ’ کے دوران ہوئی جس میں سینکڑوں افراد نے شرکت کی۔ کمیونٹی ہیلتھ سنٹر سے ملنے والی تصویروں میں روتے ہوئے رشتہ داروں کی موجودگی میں کئی لاشیں بسوں اور ٹیمپوز میں لائی جا رہی تھیں۔
چیف منسٹر یوگی آدتیہ ناتھ نے واقعہ کا نوٹس لیا ہے اور ان کی ہدایت پر واقعہ کی تحقیقات کے لئے ایک کمیٹی تشکیل دی گئی ہے۔ وزیر اعظم نریندر مودی اور صدر دروپدی مرمو نے بھی ہلاک ہونے والوں کے اہل خانہ سے تعزیت کا اظہار کیا اور کہا کہ وہ زخمیوں کی جلد صحت یابی کی دعا کر رہے ہیں۔ پی ایم مودی نے کہا کہ مرکز اتر پردیش حکومت کو ہر ممکن مدد فراہم کر رہا ہے۔
