بی جے پی سرکاروں میں آرایس ایس کی بڑی حصہ داری،مودی کابینہ کے دس میں سات وزیر سنگھ سے:ٹی ایم سی کا انکشاف

راجیہ سبھا کے چیئرمین جگدیپ دھنکھر نے ایوان میں راشٹریہ سویم سیوک سنگھ کی خوب  تعریف کی۔ اس پر کانگریس سمیت کئی پارٹیوں نے اپنے اعتراضات درج کرائے ہیں۔ ۔
ٹی ایم سی لیڈرڈیرک اوبرائن  نے حال ہی میں X پر لکھا گیا ایک مضمون شیئر کیا۔ انہوں نے ایکس پر ایک پوسٹ میں کہا، ’’مودی آر ایس ایس کے گولوالکر کو پیچھے چھوڑنے کی کوشش کر رہے ہیں۔ انہوں نے کانگریس لیڈر جے رام رمیش کی ایک پوسٹ بھی شیئر کی جس میں انہوں نے آر ایس ایس پر  تنقید کی
اپنے ذاتی بلاگ پر شیئر کیے گئے ایک مضمون میں اوبرائن نے کہا کہ وزیر اعظم مودی کی حکومت میں 10 میں سے 7 وزراء سنگھ پریوار سے ہیں، 10 میں سے 4 گورنر آر ایس ایس اور اس سے منسلک تنظیموں کے سابق پرچارک اور رضاکار ہیں، اور 12 میں سے بی جے پی کی حکومت والی آٹھ ریاستوں میں وزیر اعلیٰ اور نائب وزیر اعلیٰ رضاکار ہیں۔  انہوں نے یہ بھی کہا کہ سینک اسکولوں کو چلانے کے 10 میں سے چھ ٹھیکے آر ایس ایس کے حامیوں یا اس سے منسلک تنظیموں کو دیئے گئے ہیں۔
اوبرائن نے کہا کہ آر ایس ایس نے خود کو ہندوستان کی آزادی کی جدوجہد سے دور رکھا اور جب مہاتما گاندھی نے 1930 کی دہائی میں ڈانڈی مارچ یا نمک ستیہ گرہ شروع کیا تو آر ایس ایس کے بانی  ہیڈگیوار نے اعلان کیا کہ تنظیم اس میں حصہ نہیں لے گی۔ انہوں نے یہ بھی بتایا کہ آزادی کے بعد حکومت ہند نے آر ایس ایس پر تین بار پابندی لگا دی تھی۔