نئی دہلی:اردو ڈیولپمنٹ آرگنائزیشن کی ایک میٹنگ سینئر صحافی جلال الدین اسلم کی صدارت میں جوشی کالونی، نئی دہلی میں منعقد ہوئی، جس میں عالمی یوم اردو کی تیاریوں کا جائزہ لیا گیا۔ واضح رہے کہ اردو ڈیولپمنٹ آرگنا ئزیشن کی طرف سے ہرسال شاعر مشرق علامہ اقبال کے یوم پیدائش ۹؍نومبرکو عالمی یوم اردو منایا جاتا ہے۔ اس موقع پر ایک یادگاری مجلہ کی اشاعت کے علاوہ اردو کی خدمت میں سرگرم ملک بھر کے چنندہ ادیبوں اور صحافیوں کو ایوارڈ پیش کئے جاتے ہیں۔اس بار خصوصی مجلہ اردو صحافت کے جید محقق مولانا امداد صابری کی حیات وخدمات پر شائع ہوگا جس کی ترتیب وتدوین کی ذمہ داری سینئر صحافی اور ادیب معصوم مرادآبادی کو سونپی گئی ہے۔جبکہ عالمی یوم اردو ایوارڈ کا اعلان ایوارڈ کمیٹی کی میٹنگ کے بعدجلد ہی کیا جائے گا۔میٹنگ میں ڈاکٹر سید احمد خاں ، معصوم مرادآبادی ، ڈاکٹر ابوزیداعظمی ،ظفرانور شکرپوری اور نیاز احمد راجہ وغیرہ نے شرکت کی ۔ میٹنگ میں سرکاری امداد یافتہ اردو اداروں سے خاص طور سے صوبائی اردو اکیڈمیز سے گزارش کی گئی ہے کہ وہ بھی ۹؍ نومبر کو ’عالمی یوم اردو‘ کا اہتمام کریں اور اردو رسم الخط کو عام کرنے کی سعی کریں۔(سورس:پریس ریلیز)
عالمی یوم اردو کے تعلق سے اردو ڈیولپمنٹ آرگنائزیشن کی میٹنگ
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔