تحریک آزادی نسواں کی فکری بنیادی
ڈھاکہ:بنگلادیش میں قرآن پڑھنے پر پابندی لگانے والے ڈھاکہ یونیورسٹی کے ڈین کو طلبہ نے تلاوت سنانے کے بعد ان سے استعفی لے لیا۔
بین الاقوامی خبر رساں اداروں کے مطابق بنگلادیشی طلبہ نے ڈھاکہ یونیورسٹی کی آرٹس فیکلٹی کے ڈین ڈاکٹر پروفیسر عبدالبشیر کو ان کے دفتر میں جاکر قرآن کی تلاوت سنائی۔ واضح رہے کہ سابق وزیراعظم شیخ حسینہ واجد کے دور حکومت میں آرٹس فیکلٹی ڈھاکہ یونیورسٹی کے ڈین نے طلبہ پر ماہ رمضان کے دوران سرعام تلاوت قرآن پاک پر پابندی لگا دی تھی۔
آپیر کے روز طلبہ نے پروفیسر ڈاکٹر عبدالبشیر کے دفتر کا گھیراؤ کیا اور انہیں تلاوت سنا کر ان کے لیے ہدایت کی اجتماعی دعا کرنے کے بعد ان سے استعفی لے لیا۔
پرائیوٹ ٹی وی کی رپورٹ کے مطابق ماہ رمضان میں یونیورسٹی میں محفل قرآن کے پروگرام پر مذکورہ ڈین نے طلبہ کے خلاف سخت کارروائی کرتے ہوئے اظہار وجوہ کے نوٹسز بھی جاری کردیے تھے، جس کے بعد سماجی رابطوں کے پلیٹ فارمز پر ان کے خلاف کڑی تنقید کی گئی تھی۔
طلبہ کا کہنا تھا کہ ڈھاکہ یونیورسٹی میں تہواروں اور دیگر پروگراموں کے لیے کھلی اجازت تھی تاہم اسلامی مجالس کے انعقاد پر سخت پابندی عائد کی گئی تھی۔
