انجینئیر رشید کی اے آئی پی اور جماعت اسلامی (جے ای  آئی) نے جموں و کشمیر کے انتخابات کے لیے اتحاد کیا

نئی دہلی:عوامی اتحاد پارٹی (اے آئی پی)، جس کی قیادت لوک سبھا کے رکن شیخ عبدالرشید، جنھیں  انجینئر رشید کے نام سے بھی جانا جاتا ہے، نے جموں و کشمیر کے آئندہ اسمبلی انتخابات کے لیے جماعت اسلامی (جے ای آئی) کے سابق اراکین کے ساتھ اتحاد میں شمولیت اختیار کر لی ہے۔
خبر کے مطابق جموں کشمیر اسمبلی انتخابات میں اتوار کو ایک نیا موڑ آیا جب عوامی اتحاد پارٹی اور جماعت اسلامی کے درمیان سٹریٹجک اتحاد ہو گیا ہے۔ دونوں مل کر اسمبلی الیکشن لڑیں گے اور ایک دوسرے کے امیدواروں کی حمایت کریں گے۔ دونوں پہلے مرحلے کی ووٹنگ سے صرف تین دن پہلے اکٹھے ہوئے ہیں۔ اے آئی پی کے ایک سینئر اہلکار نے این ڈی ٹی وی کو بتایا، "پہل انجینئر رشید کی پارٹی کی طرف سے ہوئی اور جماعت نے اس پر اتفاق کیا کیونکہ آخر میں یہ ایک کرسی کے لیے نہیں بلکہ ایک بڑے مقصد کے لیے لڑائی ہے۔”
اتحاد کا اعلان ایک مشترکہ میٹنگ کے بعد کیا گیا، جہاں AIP کے وفد کی قیادت AIP کے ترجمان انعام النبی نے کی، اور JEI کے وفد کی قیادت غلام قادر وانی کر رہے تھے۔ اے آئی پی نے ایک سرکاری بیان میں کہا، "جماعت کے سرکردہ ارکان نے گفت وشنید میں حصہ لیا۔
جماعت اسلامی جموں و کشمیر پر مرکزی وزارت داخلہ نے 2019 سے پابندی عائد کر رکھی ہے، اس پابندی کو حال ہی میں مزید پانچ سال کے لیے بڑھا دیا گیا ہے۔ پابندی کے باوجود اس گروپ کے کئی بااثر ارکان آزاد امیدوار کے طور پر اسمبلی انتخابات میں حصہ لے رہے ہیں۔
اے آئی پی کے ترجمان نے زور دے کر کہا کہ اتحاد کا مقصد جموں و کشمیر کے لوگوں کے وسیع تر مفادات کے لیے مل کر کام کرنا ہے۔ انہوں نے کہا کہ "مقصد AIP اور JEI کے حمایت یافتہ امیدواروں کے لیے مضبوط نمائندگی کو یقینی بنانا ہے، تاکہ لوگوں کی آواز سنی جا سکے۔”
معاہدے کے ایک حصے کے طور پر، AIP کولگام اور پلوامہ میں JEI کے حمایت یافتہ امیدواروں کی حمایت کرے گا، جبکہ JEI پورے کشمیر میں AIP امیدواروں کی حمایت کرے گا۔ ان حلقوں میں جہاں دونوں جماعتوں نے امیدوار کھڑے کیے ہیں، جیسے لنگیٹ، دیوسر، اور زینا پورہ، انہوں نے "دوستانہ مقابلے” پر اتفاق کیا ہے۔دونوں جماعتوں نے جموں و کشمیر کو درپیش مسائل کو حل کرنے اور دیرپا امن کے لیے کام کرنے کے لیے اتحاد کی ضرورت پر زور دیا۔ ترجمان نے مزید کہا، "تیزی سے بدلتا ہوا سیاسی منظر نامہ فعال شرکت کا تقاضا کرتا ہے،  نہ ہی AIP اور نہ ہی JEI غیر فعال ہونے کا متحمل ہو سکتے ہیں۔”