جموں و کشمیر کے کشتواڑ میں بڑی تباہی، بادل پھٹنے سے 40 افراد کی موت،سو سے زائد زخمی

جموں، 14 اگست: اتراکھنڈ میں المناک حادثہ کے بعد اب جموں و کشمیر کے ضلع کشتواڑ میں مچیل کے راستے چشوتی علاقے میں آج بادل پھٹنے کے بعد سیلاب سے کم از کم 40 افراد کی موت ہو گئی ہے اور دیگر 125 زخمی ہیں۔ واقعہ میں متعدد افراد کے لاپتہ ہونے کی بھی اطلاع ہے۔ یہ واقعہ آج دوپہر  اس وقت پیش آیا جب مچیل ماتا مندر کے درشن کےلئے جانے والے یاترا ایک لنگر میں کھانا کھا رہے تھے۔ یہ مقام پدر کے علاقے کا آخری مقام ہے جہاں تک گاڑیاں آتی ہیں اور یہاں سے عقیدت مند تقریباً 10 کیلومیٹر پیدل سفر کرتے ہوئے مچیل مندر تک پہنچتے ہیں۔ ایک زوردار آواز سنائی دی اور اچانک سیلاب کا پانی علاقہ سے ٹکرایا۔
لیفٹیننٹ گورنر منوج سنہا نے سول، پولیس، آرمی، این ڈی آر ایف اور ایس ڈی آر ایف کے عہدیداروں کو ہدایت دی گئی ہے کہ وہ بچاؤ اور راحت کے کاموں میں تیزی لائے اور متاثرین کو ہر ممکن مدد فراہم کرنے کو یقینی بنائیں ڈپٹی کمشنر کشتواڑ کے مطابق۔”اب تک 30 لاشیں نکالی جا چکی ہیں اور فی الحال زخمیوں کو منتقل کرنے کے لیے امدادی کارروائیاں جاری ہیں۔ لاپتہ افراد کا پتہ لگانے کے لیے بھی تلاشی مہم تیزی سے جاری ہے لیکن صورت حال بہت سنگین ہے۔ فی الحال لاپتہ ہونے والوں کی تعداد کا صحیح اندازہ لگانا مشکل ہے۔”وزیراعظم ،وزیر داخلہ اور جموں وکشمیر کے وزیراعلی نے اس سانچے پر افسوس کا اٹکیا ہے