آبنائے ہرمز کھولنے کے لئے 48گھنٹے ورنہ ….،ٹرمپ کے الٹی میٹم پر ایران کا جواب بھی ایا

“48 گھنٹے میں آبنائے ہرمز نہ کھولی تو امریکہ ایران کے پاور پلانٹس کو صفحہ ہستی سے مٹا دے گا”
امریکہ کے صدر ڈونلڈ ٹرمپ نے ایران کو آبنائے ہرمز کھولنے کے لیے 48 گھنٹوں کی مہلت دی ہےاپنے سوشل میڈیا پلیٹ فارم ٹروتھ سوشل پر صدر ٹرمپ نے کہا کہ اگر ایران نے 48 گھنٹوں کے اندر آبنائے ہرمز کو بغیر کسی خطرے کے نہ کھولا تو امریکہ ایران کے مختلف پاور پلانٹس کو تباہ کر دے گا اور اس کا آغاز سب سے بڑے سے ہو گا۔امریکی صدر نے یہ ڈیڈ لائن ایرانی وقت کے مطابق 22 مارچ کی صبح تین بج کر 14 منٹ پر دی اور یہ 24 مارچ کو اسی وقت پر ختم ہو گی۔
***ایران کا امریکہ کو جواب 
ایران نے اپنے پاور گرڈ پر حملے کا خدشہ ظاہر کرتے ہوئے امریکی خلیجی ممالک میں بجلی اور پانی کی تنصیبات پر حملوں سے خبردار کیا ہے۔ ایرہان کی فوج نے دھمکی دی ہے کہ اگر اس کے پاور پلانٹس کو نشانہ بنایا گیا تو وہ امریکہ اور اسرائیل سے منسلک مشرق وسطیٰ میں بجلی کی فراہمی کے تمام بنیادی ڈھانچے پر حملہ کر دے گی۔ ایران کی خاتم الانبیاء سینٹرل کمانڈ کے ترجمان ابراہیم ذولفغاری نے کہا کہ ایران میٹھے پانی کے پلانٹس اور امریکہ اور اسرائیل سے منسلک آئی ٹی انفراسٹرکچر پر حملہ کرے گا۔
**سعودی عرب کا 2 ایرانی فوجی اتاشیوں اور ان کے عملے کو ملک چھوڑنے کا حکم
سعودی عرب نے ایران کے 2 فوجی اتاشیوں اور ان کے عملے کے 3 ارکان کو ملک چھوڑنے کا حکم دے دیا۔غیرملکی میڈیا کے مطابق سعودی عرب نے ان 5 اہلکاروں کو ناپسندیدہ شخصیات قرار دے کر 24 گھنٹے کے اندر ملک چھوڑنے کا حکم دیا ہے۔سعودی حکومت کا کہنا ہے کہ ایران نے سعودی عرب، خلیج تعاون کونسل اور عرب اور اسلامی ملکوں کو بار بار ہدف بنایا۔
**ایران کی ڈیگو گارشیا پر بیلسٹک میزائل داغنے کی تردید
یران نے اپنے سمندر سے دور بحر ہند میں امریکا اور برطانیہ کے مشترکہ فوجی اڈے ڈیگو گارشیا پر بیلسٹک میزائل داغنے کی تردید کردی۔ایک سینیئر ایرانی عہدیدار نے غیرملکی میڈیا کو بتایا کہ وہ ڈیگو گارشیا پر حملے کے ذمہ دار نہیں ہیں، ڈیگو گارشیا ایرانی سرزمین سے 4 ہزار کلو میٹر دور ہے
-**نیٹو نے عراق سے اپنے فوجی اہلکاروں کا انخلا شروع کر دیا
بغداد: ایران اور خطے میں جاری شدید کشیدگی کے تناظر میں نیٹو اتحاد نے عراق سے اپنے فوجی اہلکاروں کو واپس بلانے کا سلسلہ شروع کر دیا ہے۔نیٹو کے اعلیٰ کمانڈر جنرل الیکسس گرینکیوچ نے تصدیق کی ہے کہ کئی سو اہلکاروں کو عراق سے نکال کر محفوظ مقام پر منتقل کیا جا چکا ہے۔
**یو اے ای امریکہ سے سات ارب ڈالر کے ہتھیار خریدے گا
برطانوی خبر رساں ادارے رائٹرز کے مطابق امریکی صدر ڈونلڈ ٹرمپ کی انتظامیہ نے متحدہ عرب امارات کے لیے تقریباً 7 ارب ڈالر مالیت کے ہتھیاروں کی منظوری دے دی۔ رپورٹ کے مطابق یہ منظوری اُن اسلحہ معاہدوں کے علاوہ ہے جن کا اعلان اسی روز کیا گیا تھا، جن کی مجموعی مالیت 16.5 ارب ڈالر سے زائد ہے اور جن میں مشرق وسطیٰ کے تین ممالک شامل ہیں۔
وال اسٹریٹ جرنل نے امریکی حکام کے حوالے سے بتایا کہ غیر اعلانیہ معاہدوں میں متحدہ عرب امارات کو تقریباً 5.6 ارب ڈالر مالیت کے پیٹریاٹ میزائلز اور تقریباً 1.32 ارب ڈالر کے ہیلی کاپٹرز کی فروخت شامل ہے۔