سری نگر:(ایجنسی)
پیپلز الائنس فار گپکار ڈیکلریشن نے آج جموں میں فاروق عبداللہ کی رہائش گھر پر ایک اہم میٹنگ منعقد کی۔میٹنگ میں پی اے جی ڈی کے ترجمان محمد یوسف تاریگامی نے کہا کہ پی اے جی ڈی حد بندی کمیشن کے ڈرافٹ سفارشات کو قبول نہیں کرے گی۔حد بندی کمیشن نے گزشتہ روز دہلی میں ایک میٹنگ منعقد کی جس میں ایک مجوزہ ڈرافٹ پیش کیا گیا ہے۔ ڈرافٹ میں جموں صوبے کے لیے چھ نئی نشست جبکہ کشمیر صوبے کے لیے صرف ایک اسمبلی سیٹ کے قیام کی تجویز رکھی ہے۔
پیپلز الائنس فار گپکر ڈیکلریشن (پی اے جی ڈی) کی ایک اہم میٹنگ جموں میں آج منعقد ہوئی۔میٹنگ میں سابق وزیر اعلیٰ اور پیپلز ڈیموکریٹک پارٹی کی صدر محبوبہ مفتی، ڈاکٹر فاروق عبداللہ اور کمیونسٹ پارٹی آف انڈیا مارکسٹ کے ریاستی سکریٹری محمد یوسف تاریگامی،جموں وکشمیر عوامی نیشنل کانفرنس کے رہنما مظفر حسین شاہ اور ممبر پارلیمنٹ حسنین مسعودی نے شرکت کی۔
میٹنگ کا انعقاد ایک اہم وقت پر کیا گیا جب حد بندی کمیشن نے گزشتہ روز ایسوی ایٹ ممبران کو ایک ڈرافٹ رپورٹ پیش کی ہے۔ڈارفٹ میں جموں صوبے کے لیے چھہ نئی نشستیں جبکہ کشمیر صوبہ کے لیے صرف ایک اسمبلی سیٹ کی تجویز رکھی گئی۔ وادی کشمیر کی تمام سیاسی جماعتوں کی جانب سے اس ڈرافٹ پر شدید ردعمل سامنے آیا۔
ترجمان نے کہا کہ کمیشن کے سفارشات پیپلز الائنس فار گپکار ڈیکلریشن کو قابل قبول نہیں ہے۔ انہوں نے کہا کہ پہلے سے ہی حد بندی کمیشن کو آبادی کے لحاظ سے نئے اسمبلی سٹیوں کی تشکیل دینے کا مطالبہ کیا گیا تھا،جو ڈارفٹ میں نہیں لگ رہا ہے۔محمد یوسف تاریگامی نے مزید کہا کہ پی اے جی ڈی کمیشن کی جانبدارانہ کردار پر یکم جنوری 2022 کو سرینگر میں ایک احتجاج کریں گے۔
میٹنگ کے بعد پیپلز الائنس فار گپکار ڈیکلریشن کے ترجمان محمد یوسف تاریگامی نے ذرائع ابلاغ کے نمائندوں سے بات کرتے ہوئے مرکزی حکومت کی مخالف کی اور حد بندی کمیشن کے سفارشات کو غیر جانبدار قرار دیا۔وہیں دائیں بازو کی جماعتوں بجرنگ دل اور شیو سینا نے نیشنل کانفرنس کے صدر ڈاکٹر فاروق عبداللہ کی رہائش گاہ کے باہر زبردست احتجاج کیا اور نعرے بازی بھی کی۔ میٹنگ میں پی اے جی ڈی نے حد بندی کی سفارشات کو یکسر مسترد کرتے ہوئے یکم جنوری 2022 کو سری نگر میں پُرامن احتجاج کرنے کا فیصلہ کیا ہے۔
میٹنگ کے بعد گُپکار اتحاد کے ترجمان محمد یوسف تاریگامی نے پریس کانفرنس سے خطاب کرتے ہوئے اعلان کیا کہ نئی حد بندی کمیشن کی سفارشات کے خلاف یکم جنوری 2022 کو سری نگر میں پر امن طور پر احتجاج کیا جائےگا۔انہوں نے کہا کہ پی اے جی ڈی جموں و کشمیر عوام کے حقوق کی خاطر ہر سطح پر آواز بلند کرے گی اور جموں و کشمیر مخالف سازشوں کے خلاف آواز بلند کی جائے گی۔
