دیوبند(سمیر چودھری)
آج پر چہ نامزدگی کے آخری دن جمعیۃ علماء ہند کے سابق صدر و سابق رکن پارلیمنٹ مولا نا سید اسعد مدنی مرحوم کے پسر زادے حافظ عمیرمدنی نے سہارنپور ضلع کلکٹریٹ پہنچ کر آئی ایم آئی ایم کے امیدوار کے طور دیو بند سیٹ سے اپنا پرچہ داخل کیا ہے، ان کے ہمراہ ان کے والد و سابق وزیر اترا کھنڈ مولا نا مسعود مدنی بھی تھے۔ مدنی خاندان میں آزادی کے بعد مولا نا اسعد مدنی مر حوم اور ان کے بڑے بیٹے مولا نا محمود مدنی سیاست میں سر گرم رہے ہیں اور راجیہ سبھا کے بھی رکن رہے ہیں ،لیکن انہوں نے ہمیشہ کسی مسلم سیاسی جماعت سے فاصلہ رکھا ہے ،خود مو لانا مسعود مدنی کانگریس سے وابستہ رہے ہیں یہ پہلا موقع ہے کہ ان کے بیٹے حافظ عمیر مدنی نے اپنے سیا سی سفر کا آغاز ایک مسلم سیاسی جماعت سے کیا ہے اور مدنی خاندان کی سیاسی راہ سے الگ راہ اختیار کی ہے ۔
ادھر21 جنوری سے آج 28جنوری کے آخری دن تک پر چہ نامزدگی داخل کر نے والوں کی تعداد 90سے زائد ہو گئی ہے آج 35امیدواروں نے پر چے دا خل کئے ہیں ۔اب پرچوں کی جانچ اور واپسی کے بعد ہی یہ پتہ چل پا ئےگا کہ کل کتنے امیدوار ضلع کی سات سیٹوں پر اپنی قسمت آز ما ئیں گے ۔
