ایوھیا : (ایجنسی)
وزیر اعظم نریندر مودی کاشی وشوناتھ کوریڈور کا افتتاح کرنے اپنے دو روزہ دورے پر وارانسی پہنچے تھے۔ اس کے ساتھ ہی انہوں نے پورے مندر کا دورہ کیا اور کام کا جائزہ لیا۔ جب اے بی پی نیوز کے رپورٹر نے ایودھیا کے ایک پجاری سے ان کے وارانسی کے دورے کے بارے میں پوچھا تو اس نے کچھ ایسا کہا کہ ان کا ویڈیو سوشل میڈیا پر وائرل ہوگیا۔
دراصل پجاری نے کہا کہ سیاست میں دھرم نہیں لانا چاہئے۔ دھرم کو سیاست میںلانے سے سماج میں بگاڑ پیدا ہوتی ہے ۔ بی جے پی محض مذہب کی سیاست کررہی ہے، انہیںترقی اور مہنگائی سے کوئی مطلب نہیں ہے۔ ایک دوسرے پجاری سے پی ایم کے ان کاموں کولےکر سوال کیاگیا تو انہوں نے کہاکہ بی جے پی اقتدار سے مکت (آزاد) ہونے والی ہے کیونکہ وارانسی وہی جاتے ہیں جنہیں مکتی (نجات)چاہئے ہوتی ہے ۔
سوشل میڈیا صارفین اس ویڈیو کے حوالے سے اپنی رائے دے رہے ہیں۔ عام صارفین کے ساتھ ساتھ سیاسی جماعتوں کے رہنما بھی اس پر اپنی رائے دیتے ہوئے نظر آرہے ہیں۔ اس ویڈیو کو شیئر کرتے ہوئے عام آدمی پارٹی کے ایم ایل اے نریش بالیان نے لکھا کہ مودی جی کی آمد پر کاشی وارانسی کے پنڈتوں کا کیا کہنا ہے، آپ لوگ بھی سنیں۔ تاہم آپ کو بتاتے چلیں کہ یہ وارانسی کا نہیں بلکہ ایودھیا کے پجاری ہیں۔
محمد زبیر نام کے ٹوئٹر ہینڈل سے لکھا گیا کہ جیسے ہی پنڈت جی نے ترقی کے بارے میں بونا چالو کیا،چینل نے انہیں میوٹ کردیا اور ہٹادیا۔ ابھینو پانڈے نام کےٹوئٹر یوزرلکھتے ہیں کہ ایوھیا کےکچھ سنت بی جےپی سرکار سے ناراض لگ رہے ہیں ۔ پجا پانڈے نام کی ٹوئٹر یوزرتبصرہ کرتی ہیں کہ کاشی وشوناتھ اوررام مندر ملنے کے بعد بھی یہ لوگ مہنگائی پر بات کررہےہیںلیکن کیسے؟
گورو رائے نامی ٹوئٹر یوزر نے ہنستے ہوئے ایموجی کے ساتھ لکھتے ہیں کہ ایسا تو نہیں کیا کانگریس سے ملےہوئے باباہوں۔ سنجے ترپاٹھی نام کےٹوئٹر ہینڈل سے لکھا گیا ’ایودھیا کےسادھو سنت اپنےاپنے من کی بات کررہےہیں۔‘ انامیکا نامی یوزر نے لکھا،’ سنت بھی جانتے ہیں کہ لیڈر ووٹ بٹورنے کے لیے دھرم کی سیاست کررہے ہیں۔ جس میں بی جےپی سب سےآگے ہے۔
