‘ ••توہم سیون سسٹرز کے علیحدگی پسندوں کو پناہ دیں گے’ بنگلہ دیش کے اسٹوڈنٹ لیڈر کی بھارت کو دھمکی

ڈھاکہ17دسمبر:بنگلہ دیش کی نیشنل سٹیزن پارٹی (این سی پی) کے نوجوان لیڈر اور جنوبی چیف آرگنائزر حسنات عبداللہ نے اشتعال انگیز بیان دیا ہے ، بی بی سی ہندی کے مطابق ایک ریلی کے دوران اس نے دھمکی دی ہے کہ اگر بنگلہ دیش غیر مستحکم ہوا تو بھارت کی شمال مشرقی ریاستیں سیون سسٹرز الگ تھلگ ہو جائیں گی۔
شمال مشرقی بھارت کی سات ریاستیں — اروناچل پردیش، آسام، منی پور، میگھالیہ، میزورم، ناگالینڈ اور تریپورہ — کو اجتماعی طور پر سات بہنوں کے نام سے جانا جاتا ہے۔
واضح رہےیشنل سٹیزن پارٹی اس سال فروری میں بنائی گئی تھی اور اس کی قیادت وہی لوگ کر رہے ہیں جنہوں نے گزشتہ سال جولائی میں وزیر اعظم شیخ حسینہ کے خلاف مظاہرے شروع کیے تھے۔ان مظاہروں کے بعد شیخ حسینہ بنگلہ دیش سے بھاگنے پر مجبور ہوگئیں، اور محمد یونس کی قیادت میں ایک عبوری حکومت قائم کی گئی۔
حسنات کا یہ ویڈیو کلپ بھارت میں بھی سوشل میڈیا پر وائرل ہو رہا ہے۔
بنگلہ دیش کی انگریزی زبان کی نیوز ویب سائٹ دی بزنس اسٹینڈرڈ  کے مطابق، انقلاب منچ نے مرکزی شہید مینار پر ایک آل پارٹی احتجاجی ریلی کا اہتمام کیا۔ریلی سے خطاب کرتے ہوئے حسنات نے الزام لگایا کہ بنگلہ دیش کو غیر مستحکم کرنے اور انتخابی عمل کو متاثر کرنے کی کوششیں کی جا رہی ہیں۔ حسنات نے انقلاب منچ کے ترجمان عثمان بن ہادی پر حملے کا الزام بھی بھارت پر عائد کیا۔بھارتی حکومت نے تاحال کوئی ردعمل ظاہر نہیں کیا۔
بزنس اسٹینڈرڈ کے مطابق حسنات نے کہا، "میں ہندوستان پر واضح کرنا چاہتا ہوں کہ اگر وہ ایسی طاقتوں کو پناہ دیتا ہے جو بنگلہ دیش کی خودمختاری، صلاحیتوں، ووٹنگ کے حقوق اور انسانی حقوق کا احترام نہیں کرتی ہیں، تو ہم جواب دیں گے۔ بنگلہ دیش میں عدم استحکام کے پورے خطے پر اثرات مرتب ہوں گے۔”
"اگر بنگلہ دیش غیر مستحکم ہوتا ہے تو اس کے اثرات اس کی سرحدوں سے باہر پھیل جائیں گے۔ آزادی کے 54 سال بعد بھی بنگلہ دیش کو بیرونی کنٹرول کی کوششوں کا سامنا ہے۔ جو لوگ اقتدار اور پوزیشن کے لیے دہلی کی طرف دیکھ رہے ہیں وہ تیسری بار ملک کی آزادی کو بیچنے کی کوشش کر رہے  دی پرنٹ کے مطابق بھارت کے خلاف سخت رخ کے لیے مشہور حسنات نے دھمکی دیتے ہوئے یہ بھی
کہا "”اگر بنگلہ دیش غیر مستحکم ہوا تو مزاحمت کی آگ اس کی سرحدوں سے باہر پھیل جائے گی۔ جب کہ آپ ہمیں غیر مستحکم کرنے والوں کو پناہ دے رہے ہیں، ہم بھی سیون سسٹرس کے علیحدگی پسندوں کو پناہ دیں گے۔” یاد رہے بھارت کی شمال مشرقی ریاستیں، جن میں اروناچل پردیش، آسام، منی پور، میگھالیہ، میزورم، ناگالینڈ اور تریپورہ شامل ہیں، کو سیون سسٹرز کہا جاتا ہے۔