عید کے موقع پر بنگلورو میں مسلم گھروں پر ہندوتووادیوں کے’چھاپے’ ممتاز سماجی کارکنوں کا الزام،پولیس سے شکایت

عید الاضحی کے موقع پر،  سماجی کارکنوں اور ایکٹوسٹوں کے ایک گروپ نے بنگلورو سٹی پولیس کو ایک فوری شکایت پیش کی جس میں پونیت کیریہلی سمیت خود ساختہ نگرانی وتلاشی کی روک تھام کا مطالبہ کیا گیا ہے ، جو گئورکھشا کے بہانے غیر قانونی طور پر مسلمانوں کے گھروں میں داخل ہو ئے،وہ فرقہ وارانہ کشیدگی کو ہوا دے رہے ہیں،ان کا کہنا ہے کہ چھٹی اور سینئیر افسروں کی عدم موجودگی کی وجہ سے ا شکایت درج نہیں ہوسکی
ہفتہ کو پریس بیان کے مطابق، کئی محلوں بشمول  ٹینری روڈ، احمد نگر، اور شیواجی نگر  میں نجی زندگی میں  بڑھتی ہوئی دخل اندازی اور دھمکیاں دینے کی کوششیں دیکھی گئی ہیں، جن کا مقصد مبینہ طور پر تہوار میں خلل ڈالنا اور فرقہ وارانہ بدامنی کو ہوا دینا تھا۔ممتاز قانونی اور سول سوسائٹی کے ارکان کے دستخط کردہ بیان میں کہا گیا ہے کہ "یہ کارروائیاں مجرمانہ مداخلت،غیر ضروری ویجلنس اور فرقہ وارانہ اشتعال انگیزی کے مترادف ہیں۔”
دستخط کنندگان میں ایڈوکیٹ بی ٹی وینکٹیش، کلفٹن روزاریو، میتری، ونے سری نواسن، اور ڈاکٹر سلویا کارپاگم، اور دیگر شامل ہیں۔  سماجی کارکن سید توصیف مسعود اور ضیا نعمانی نے شہر میں امن و امان کی نازک صورتحال پر تشویش کا اظہار کیا، خاص طور پر حالیہ RCB ایونٹ میں بھگدڑ کےبعد-   ان کا کہنا ہے کہ  "ہم نہیں چاہتے کہ بنگلورو دکشن کنڑ کے راستے پر چلے،”یہ حوالہ متنبہ کرتا ہے کہ  فرقہ وارانہ تشدد کے لیے ساحلی ضلع کی صورتحال کیا ہے