تحریر: راکیش کیاستھا
سوال- کیاچل رہا ہے؟
جواب- فاگ چل رہی ہے۔
زبان پر چڑھ چکے فاگ کے اس پریشان کن ون لائنر میں ایک بہت گہرا معنی چھپا ہواہے۔ کوئی مسئلہ، سوال یا ٹرینڈنگ ٹاپک اپنے آپ نہیں چل رہا ہوتا ہے۔ کسی خاص مقصد سے اسے کوئی نا کوئی چلا رہا ہوتا ہے۔ اس وقت کنگنا رنوت کا بیان چل رہا ہے ۔ آئیے 7 نکات پر سمجھنے کی کوشش کرتے ہیں کہ اس بیان کے پچھے کیا چل رہا ہے ۔
1- آر ایس ایس کا پسندیدہ منصوبہ قومی تحریک کے شاندار ماضی کو عوامی یادداشت سے مٹانا ہے۔ جدوجہد آزادی سے دور رہنا، برطانوی فوج میں بھرتی ہونا، جاسوسی اور پنشن حاصل کرنا، ایسی تمام چیزیں عوام کی یادداشت میں موجود ہیں، جن سے چھٹکارا حاصل کرنا سنگھ کے لیے ممکن نہیں۔ سنگھ کا دفاعی طریقہ کار اسے تحریک دیتا ہے کہ اگر وہ قومی تحریک میں اپنی شرکت کا کوئی ثبوت نہیں دے سکتا تو اسے اس شاندار تحریک کو عوامی یادداشت سے مٹا دینا چاہیے۔
2- سنگھ ایک اخلاقی طور پر باطل تنظیم ہے، جو پیچھے ہٹنے، ایک ہی معاملے پر پانچ مختلف بیانات جاری کرنے، پکڑے جانے پر معافی مانگنے اور حملہ کرنے سے باز نہیں آتی۔ دنیا میں زیادہ تر فاشسٹ تنظیمیں ایسی ہیں۔ قومی تحریک اور اس کے سرکردہ قائدین پر کیچڑ اچھالنا ایک قسم کا لٹمس ٹیسٹ ہے کہ معاشرہ ان چیزوں پر کیا ردعمل ظاہر کرتا ہے۔ فیڈ بیک کے تجزیہ کی بنیاد پر، پروجیکٹ آگے بڑھتا ہے۔
3- سنگھ کا خیال ہے کہ اپنے افواہوں کے نظام کے ذریعے ہندوستان کو ایک متوازی تاریخ بنانا ہے، جس میں صرف ایسی کہانیاں ہوں گی جو اس کے سیاسی بیانیے کے مطابق ہوں۔ نہ جانے سادھوی پرگیہ جیسے کتنے لوگ اس کام میں لگے ہوئے ہیں۔
2 اکتوبر کو مودی اور یوگی چرخے کو پکڑے ہوئے تصویروں کے لیے پوز دیتے ہیں اور ان کے باقی رہنما اور حامی گوڈسے کے نام کا نعرہ لگاتے ہیں۔ ‘’دوگلا‘ بی جے پی کے حامیوں کی پسندیدہ گالی ہے۔ لیکن آر ایس ایس کا کیا ہوگا؟ اسے منافقت کہنا مناسب نہیں ہوگا کیونکہ اس تنظیم کی دو نہیں کئی زبانیں ہیں۔
4- یاد رہے، کنگنا رنوت سے ٹھیک پہلے، بی جے پی کی کسی گمنامی سی طلبا لیڈرنے دعویٰ کیا تھا کہ آزادی 99 سال کے لیز پر ہے۔ میڈیا نے راتوں رات چرتا پاٹھک نام کی اس لڑکی کو مشہور کردیا ۔ مبینہ طور پر اس لڑکی کی مخالفت کرنے والے بہت سے خود ساختہ ترقی پسند بھی نہیں سمجھ پائے کہ بار بار اس بات کی بحث کرکے وہ وہی کررہے ہیں جو آر ایس ایس چاہتا ہے ۔ لٹمس ٹیسٹ پورا ہوا۔ لوگوںنے اس بات کو لے کر کافی تجسس کی تھی کہ کیا سچ میں بھارت کی آزادی لیز پر ہے ۔
5- اب اگلا بیان آیا ہے کہ اس منصوبے کو آگے لے جایا جائے۔ کنگنا رنوت نے بھارت کی آزادی کو بھک قرار دے دیا۔ کیا نریندر مودی ’بھیک مانگنے کا امرت مہواتسو‘ منا رہے ہیں؟ جس عوامی فورم سے یہ بات کہی گئی وہ ہندوستان کے دو سو سال پرانے میڈیا انسٹی ٹیوٹ سے وابستہ ہے۔ کنگنا رنوت کے اس بے شرمانہ بیان پر وہاں موجود لوگ ہنس ہنس رہے ہیں۔ یہ وہی لوگ ہیں جو سوشل میڈیا پر حب الوطنی اور غداری کے سرٹیفکیٹ بانٹتے پھرتے ہیں۔
6- نئے لٹمس ٹیسٹ کے نتائج کا انتظار ہے۔ اس بیان سے بی جے پی کے خود ساختہ محب وطن حامیوں کے جذبات مجروح نہیں ہوئے۔ قانون کے مطابق کنگنا رنوت کو سلاخوں کے پیچھے ہونا چاہیے لیکن وہ پدم شری ملنے کے بعد متکبرہوگئی ہیں۔ دراصل کنگنا رنوت کو عزت صرف اس لیے ملی ہے کہ وہ اس طرح کے بیانات دینے کی صلاحیت رکھتی ہیں۔ اس بیان پر فوری ردعمل کا نہ ہونااس بات کی نشاندہی کرتی ہے کہ جمہوری ہندوستان ایک فاشسٹ ہندوستان بننے کی طرف تیزی سے بڑھ رہا ہے۔
7۔ ملک کا ایک بڑا طبقہ قومی تحریک سے وابستہ زندگی کی اقدار، نظام اور آئین کے خلاف اسی طرح مہم چلا رہا ہے جس طرح مخصوص قسم کی بیماریوں میں ان کے جسم کی قوت مدافعت جسم کے خلاف کام کرنے لگتی ہے۔ مجموعی طور پر یہ لڑائی سنگھ بمقابلہ یونین ہے۔ یعنی ایک طرف آر ایس ایس ہے اور دوسری طرف یونین آف انڈیا یا آئیڈیا آف انڈیا۔ لڑائی مشکل ہے اور یہ یقینی طور پر بزدلوں کی لڑائی نہیں ہے۔
(یہ مضمون نگار کے ذاتی خیالات ہیں)
