ایک ڈائیلاگ ہے "جن کے اپنے شیشے کے گھر ہیں وہ دوسروں کے گھروں پر پتھر نہیں پھینکتے جانی۔”
وزیر اعظم نریندر مودی نے کہا ہے کہ اگر کوئی پریوارپارٹی چلاتا ہے تو یہ اقربا پروری یا ہریوارواد ہے۔ اپنے دورہ بہار کے دوران پی ایم نے بی جے پی لیڈروں کو اقربا پروری اور زمینداری نظام کو ختم کرنے کی سختی سے نصیحت کرتے ہوئے کہا کہ سیاست میں زمینداری نظام کو بھی ختم کرنا ہوگا۔ ایسا نہ ہو کہ آپ کے بجائے آپ کے بیٹے یا بیٹی کو ٹکٹ ملے۔
مودی کی ’’اقربا پروری‘‘ کی تعریف بہار کے انتخابات میں زمین پر نہیں جھلک رہی ہے۔ امیدواروں کی فہرستیں بتاتی ہیں کہ بی جے پی، جے ڈی یو، اور ایل جے پی (آر) خاندانی سیاست سے محفوظ نہیں ہیں۔
•بہار اسمبلی انتخابات کے لیے این ڈی اے کے امیدواروں کی فہرست میں تقریباً 30 امیدوار ایسے ہیں جن کا تعلق کسی نہ کسی سیاسی خاندان سے ہے، یعنی کل امیدواروں کا تقریباً 15فیصد•
•بی جے پی نے کن لیڈروں کے رشتہ داروں کو ٹکٹ دیا؟ فہرست دیکھیں۔
**بی جے پی نے گورا بورم سیٹ سے سابق آئی آر ایس افسر سوجیت کمار سنگھ کو ٹکٹ دیا ہے۔ سوجیت سنگھ کی بیوی سورنا سنگھ پہلے ہی ایم ایل اے ہیں۔ سوجیت اکتوبر میں وی آر ایس لینے کے بعد بی جے پی میں شامل ہوئے تھے۔
**راما نشاد – بی جے پی کے سابق ایم پی اجے نشاد کی بیوی راما نشاد کو اورائی سے ٹکٹ دیا گیا ہے۔ یہ پہلی بار اسمبلی الیکشن لڑ رہی ہیں۔
**تیسرا نام اورنگ آباد صدر سیٹ سے تروکرم نارائن سنگھ کا ہے۔ وہ سابق بی جے پی ایم پی گوپال نارائن سنگھ کے بیٹے ہیں اور یہ ان کا پہلا الیکشن ہے۔
**سمراٹ چودھری – بی جے پی لیڈر اور بہار کے نائب وزیر اعلی سمراٹ چودھری کو تارا پور سیٹ سے ٹکٹ دیا گیا ہے۔ ان کے والد شکونی چودھری کئی بار ایم ایل اے اور ایم پی رہ چکے ہیں۔ ان کی والدہ پاروتی دیوی ایم ایل اے رہ چکی ہیں۔
**پانچ بار ایم ایل اے اور نائب وزیر خزانہ امبیکا شرن سنگھ کے بیٹے راگھویندر پرتاپ سنگھ برہارا سے ایم ایل اے ہیں اور انہیں وہاں سے دوبارہ نامزد کیا گیا ہے۔
**سابق وزیر اعلیٰ جگناتھ مشرا کے بیٹے نتیش مشرا جھانجھار پور سے ایم ایل اے ہیں اور انہیں اسی حلقہ سے دوبارہ ٹکٹ دیا گیا ہے۔
**ارون کمار سنگھ، سابق ایم ایل اے برج کشور سنگھ کے بیٹے، بروراج سے ایم ایل اے ہیں اور انہیں وہاں سے دوبارہ نامزد کیا گیا ہے۔ ان کے دادا بھی ایم ایل اے تھے۔
**سابق ایم ایل اے آنجہانی نوین کشور سنہا کے بیٹے نتن نبی بنکی پور سے ایم ایل اے ہیں اور انہیں وہاں سے دوبارہ نامزد کیا گیا ہے۔
**سابق ایم ایل اے اور سکم کے گورنر گنگا پرساد چورسیا کے بیٹے سنجیو چورسیا دیگھا سے ایم ایل اے ہیں اور انہیں وہاں سے دوبارہ اتارا گیا ہے۔
**سابق ایم ایل اے بھویندر نارائن سنگھ کے بیٹے دیویش کانت سنگھ گوریاکوٹھی سے ایم ایل اے ہیں اور انہیں وہاں سے دوبارہ اتارا گیا ہے۔ ان کے دادا کرشن کانت سنگھ بھی ایم ایل اے تھے۔
**شریاسی سنگھ جموئی سے دوبارہ الیکشن لڑ رہی ہیں۔ ان کے والد ڈگ وجے سنگھ سابق مرکزی وزیر تھے۔
**نیرج کمار ببلو، جن کے بھائی ہری نارائن سنگھ سابق ایم پی اور مرکزی وزیر ہیں، چھٹاپور سے دوبارہ الیکشن لڑ رہے ہیں۔
**سابق وزیر ونود کمار سنگھ کی اہلیہ نشا سنگھ کو پران پور سے دوبارہ امیدوار بنایا گیا ہے۔
**گایتری دیوی، جن کے شوہر، رام نریش یادو، سابق ایم ایل اے تھے، تیسری بار پریہار سے الیکشن لڑ رہی ہیں۔
••بہو، داماد اور سمدھن کو ٹکٹ
جیتن رام مانجھی کی قیادت میں ہندوستانی عوام مورچہ (HAM) کو سب سے زیادہ تنقید کا سامنا ہے۔ HAM کے چھ امیدواروں میں سے تین ان کے خاندان سے ہیں اور دو سیاسی خاندانوں سے ہیں۔ملاحظہ کریں
دیپا مانجھی – امام گنج سیٹ – جیتن رام مانجھی کی بہو ہیں۔
جیوتی دیوی – بارچھٹی سیٹ – جیتن رام مانجھی کی بھابھی ہیں۔
پرفل کمار مانجھی – سکندرا – جیتن رام مانجھی کے داماد ہیں۔
رومیت کمار – اٹاری سیٹ – موجودہ ایم ایل اے انیل کمار کے بھتیجے ہیں۔
انیل کمار – ٹکری سیٹ – سابق ایم پی ارون کمار کے رشتہ دار ہیں۔
اسی طرح لوک جن شکتی پارٹی (رام ولاس) کے لیے چراغ پاسوان، جو کہ پی ایم مودی کے ہنومان ہونے کا دعویٰ کرتے ہیں، نے گرکھا اسمبلی سیٹ سے اپنے بھتیجے سیمنت مرنل اور جے ڈی (یو) کے ایم ایل اے اشوک کمار منا کے بیٹے مرنل منجرک کو ٹکٹ دیا ہے۔چراغ پاسوان کے بہنوئی ارون بھارتی پہلے ہی ایم پی ہیں۔
این ڈی اے کے ایک اور اتحادی اوپیندر کشواہا ہیں، جنہوں نے این ڈی اے کے اندر چھ سیٹیں حاصل کیں۔ کشواہا نے ان میں سے ایک سیٹ کے لیے اپنی بیوی سنیہلتا کو ٹکٹ دیا ہے۔ سنیہلتا ساسارام اسمبلی سیٹ سے الیکشن لڑ رہی ہیں۔
اب بات کرتے ہیں جے ڈی یو کی خاندانی سیاست کی۔ نتیش کمار کے بیٹے بھلے ہی سیاست میں نہ ہوں، لیکن جے ڈی یو نے بھی سیاسی پریواروں سے تعلق رکھنے والے کم از کم آٹھ لوگوںکو ٹکٹ دیا ہے۔یعنی دودھ کا دھلا کوئی بھی نہیں
