امروہہ :(ایجنسی)
اتر پردیش اسمبلی انتخابات کے دوسرے مرحلے کے لیے ووٹنگ آج ہو رہی ہے۔ ریاست کے 9 اضلاع (سہارنپور، بجنور، مرادآباد، سنبھل، رام پور، امروہہ، بدایوں، بریلی اور شاہجہاں پور اضلاع) کی 55 اسمبلی سیٹوں پر ووٹنگ ہو رہی ہے۔
رام پور کی 5 سیٹوں (سوار، ملک، چمروا، بلاس پور اور رام پور) اور امروہہ کی 4 سیٹوں (دھنورا، نوگانواں سادات، امروہہ اور حسن پور) پر ووٹنگ جاری ہے۔ جیل میں بند سماج وادی پارٹی کے لیڈر اعظم خاں خود رام پور سیٹ سے میدان میں ہیں، جبکہ ایس پی کے محبوب علی امروہہ سیٹ سے میدان میں ہیں۔
امروہہ میں انتخابات کے آخری گھنٹوں میں آخر کار ایک بار پھر برقع پوش جن بوتل سے باہر آ ہی گیا ہے اور بی جے پی لیڈر نے برقع پہن کر فرضی ووٹ ڈالنے کا الزام لگایا ہے اور شکایت درج کرانے کا دعویٰ بھی کیا ہے۔امروہہ اسمبلی سے بی جے پی امیدوار رام سنگھ سینی نے گاؤں نیل کھیڑی سمیت کئی پولنگ اسٹیشنوں پر فرضی ووٹنگ کا الزام لگایا۔ ان کاکہنا ہے کہ برقع کی آر میں فرضی ووٹنگ ہورہی ہے ۔
امروہہ میں 3 بجے 60 فیصد ووٹنگ
امروہہ صدر اسمبلی – 60.32فیصد
منڈی دھنورا اسمبلی – 59.92 فیصد
حسن پور اسمبلی – 59.89 فیصد
نوگانواں سادات اسمبلی – 60.09 فیصد
سنبھل ضلع میں 3 بجے تک 49.11 فیصد ووٹنگ ہوئی۔ چندوسی میں 45.39 فیصد، اسمولی میں 52.2 فیصد، سنبھل میں 49.2 فیصد اور گنور میں 49.63 فیصد ووٹنگ ہوئی۔
حسن پور سیٹ پر ووٹنگ کے دوران حامیوں پر لاٹھی چارج کا الزام لگاتے ہوئے ایس پی امیدوار مکھیا گوجر اوران کےحامیوں ن حسن پور کے بوتھ نمبر 80 پر ہنگامہ کیا۔
امروہہ میں پریزائیڈنگ افسر پولنگ بوتھ سے غائب ہوگئے، جس وجہ قے ہنگامہ ہوگیا۔ موقع پر پہنچے افسران نے ڈھونڈنے کی کوشش کی ۔ اس کے بعد گلاس میں چائے لےکر آتے ملے پریزائیڈنگ افسرکو سیکٹر مجسٹریٹ نے جمع کر پھٹکا ر لگائی۔ 20 منٹ تک پریزائیڈنگ افسر غائب رہے۔ یہ دھنورا اسمبلی کے گنگا دھام ٹگری گاؤں میں بنائے گئے بوتھ کا معاملہ۔
