نئی دہلی :(ایجنسی)
بی جے پی کے فائربرانڈ لیڈر کپل مشرا کو اے آئی ایم آئی ایم کے سربراہ اسد الدین اویسی کی وہ تقریر پسند نہیں آئی جس میں انہوں نے لوگوں کو خبردار کیا تھا۔ کپل نے کہا کہ اویسی کے لیے تالیاں بجانے والوں اس کےحیدر آباد جانےکےبعدیوگی جی کے لٹھ اور بلڈوزرسے تمہیں کون بچائےگا؟ اعظم خاں اورمختار انصاری کو بھی بچانےکوئی نہیں آیا تھا۔
بتادیں کہ اویسی نے کہا تھا – ’میں ان پولیس والوں سے کہنا چاہتا ہوں،یاد رکھنا میری بات ۔ ہمیشہ یوگی وزیراعلیٰ نہیں رہے گااورہمیشہ مودی وزیر اعظم نہیں رہیں گے۔ ہم مسلمانوں وقت کے لحاظ سے خاموش ضرورہیں مگریاد رکھو تمہارے ظلم کو بھولنے والے نہیں ہیں۔ ہم تمہارے ظلم کو یادرکھیں گے۔ حالات بدلیں گے۔ جب کون بچانےآئےگا تم کو؟ جب یوگی اپنے مٹھ میں چلے جائیں گے ،مودی پہاڑوں میں چلے جائیں گے۔ جب کون آئےگا۔
اسد الدین اویسی 12 دسمبر کو کانپورکے دورے پر آئے تھے۔ یہاں انہوں نے شوشیت ونچیت سماج سمیلن سے خطاب کیا۔ اس دوران انہوں نے یہ تقریر کی تھی۔ جب ان کا یہ بیان وائرل ہوا تو سمبت پاترا سمیت بی جے پی کے کئی لیڈروں نے انہیں مناسب جواب دیا، لیکن کپل مشرا ان سے کئی قدم آگے نکل گئے۔ انہوںنے سیدھی دھمکی د ے ڈالی۔
سوشل میڈیا پر لوگوں کو ان کا رویہ پسند نہیں آیا۔ میں بھی جاسوس کے ہینڈل سےلکھا گیا۔ ’کیوں بزدل کہناکیا چاہتے ہوکہ اویسی کے سامنے یوگی جی کی ہمت نہیں ہوتی جو اس کے حیدر آباد جانے کےبعد ہمت کریں گے۔ تمہارے خون میں ہی بزدلی ہے ۔ معذرت خواں۔‘ ایک نے لکھا :’ بالکل سچ کہا اس نے یہاں تو صرف یوگی کی غنڈہ گردی ہے چلے گی۔‘ راجیو نے پوچھا مودی کی سرکار جانے کےبعد تیرے جیسے فسادیوں کو عوام کے لٹھ سے کون بچائےگا؟
ایک نے لکھا -’ لٹھ بازی تو اچھے اچھوں کی نہیںچلی۔ اصلی لٹھ تواوپر والے کا چلتا ہے۔ پتہ بھی نہیں چلتا۔ آواز بھی نہیں ہوتی اورکام تمام۔ جیسے دہلی ، بنگال کےانتخابات اوردیگر ضمنی انتخابات میں بی جے پی پر چلا۔ اب اترپردیش میںلٹھ چلتا لگ رہاہے بی جے پی کےاوپر۔ شہنشاہ جانگیرکےہینڈل سے کہا گیا ۔ یہ ملک تیرےباپ کا جاگیر نہیںہے۔ اگرتم گوڈسے کااولاد بننے کی کوشش کروگے توامبیڈکرکا آئین تیرا ہوش ٹھکانے لگائے گا۔
