تحریر:بدری نارائن
اس بار اتر پردیش کے انتخابات میںنیوز چینلوں کے رائے عامہ کے کچھ سروے میں مایاوتی کی بہوجن سماج پارٹی یا بی ایس پی کو صرف تین سیٹیں ملنے کی پیشین گوئی کی گئی ہے۔ آنجہانی کانشی رام کی قائم کردہ پارٹی تاریخ کے ایک اہم موڑ پر کھڑی ہے۔ 2022 کے اسمبلی انتخابات میں بی ایس پی کی کارکردگی اس بات کا فیصلہ کرے گی کہ وہ سیاست کے مرکز میں واپس آئے گی یا مزید حاشیہ پر چلی جائے گی۔
زیادہ تر میڈیا سروے اور تخمینوں میں اس الیکشن میں بھی بی ایس پی کی انتہائی خراب کارکردگی کی پیشین گوئی کی گئی ہے۔ کچھ نے اسے 13 فیصد ووٹ حاصل کرنے کی بات کی ہے جبکہ زیادہ تر اسے 7 سے 15 سیٹیں دے رہے ہیں۔ گزشتہ دین دہائیوں میں بی ایس پی کی ووٹ حصہ داری 20 فیصد سے نیچے نہیں گئی ۔ سب سے خراب کارکردگی کامظاہر کرنے والے 2017 کےاسمبلی انتخابات میں بھی نہیں۔ کیا دلت ووٹوں پر دعویٰ ٹھوٹکنے والی پارٹی اس قدر سکڑ جائےگی؟ جبکہ یوپی کی آبادی میں 21 فیصد دلت ہیں۔ بی ایس پی چار بار ریاست میں اقتدارمیں رہی ہے اور2007 میں مکمل اکثریت کی سرکار بناچکی ہے۔
اپنے مضبوط ووٹ کی بنیاد پر، بی ایس پی نے یوپی میں مختلف ذاتوں اور برادریوں کے ساتھ وسیع اتحاد کی چھتری قائم کی ہے۔ لیکن اب یہ ٹوٹ پھوٹ اور تباہی کے راستے پر ہے۔ ان کی یہ کمزوری گزشتہ چند اسمبلی اور لوک سبھا انتخابات کے نتائج میں دیکھی گئی ہے۔
اس بار، مایاوتی کی بڑی ریلیوں کے ذریعے جارحانہ مہم چلانے اور میڈیا میں سرخیاں حاصل کرنے میں ان کی ناکامی کی وجہ سے بی ایس پی کو عام تاثر میں نقصان اٹھانا پڑا ہے۔ اس معاملے میں ان کی غیر موجودگی کی وجہ سے میڈیا اور سیاسی پنڈتوں نے کہنا شروع کر دیا کہ 2022 کا الیکشن بھارتیہ جنتا پارٹی (بی جے پی) اور سماج وادی پارٹی (ایس پی) کے درمیان دو طرفہ ہونے والا ہے۔ میں یہ نہیں کہتا کہ مایاوتی کی زیرقیادت بی ایس پی برسراقتدار بی جے پی کے خلاف اقتدار کی اہم دعویدار بننے جا رہی ہے، لیکن پارٹی کی طرف سے پیدا کردہ پسماندہ امیج کو زمینی حقیقت سے ہم آہنگ کرنا مشکل ہے۔
بی ایس پی کیڈر میدان میں ہے۔
ہم نے بی ایس پی کارکنوں کو کئی مہینوں سے خاموشی سے زمین پر کام کرتے دیکھا ہے۔ بی ایس پی کا سیاسی کلچر کبھی بھی ’بڑی ریلیوں‘ پر مرکوز نہیں رہا۔ اپنے قیام سے لے کر اب تک اس کے کارکنان اور رہنما گھر گھر مہم چلا رہے ہیں اور دلتوں اور بہوجنوں کی بستیوں میں چھوٹی چھوٹی میٹنگیں کر رہے ہیں۔ اس لیے مایاوتی کی بڑی ریلیوں کی غیر موجودگی میں بی ایس پی کے غیر فعال ہونے کا موجودہ تاثر درست نہیں ہو سکتا۔
تاہم انتخابات میں جلسوں کی اہمیت سے انکار نہیں کیا جا سکتا۔ یہ حامیوں کو متحرک کرنے اور دوسرے ووٹروں کو متحرک کرنے اور پسماندہ ووٹروں کو اپنے پاس لانے کے لیے ضروری ہے۔ اس سال الیکشن کمیشن کی کووڈ پابندیوں کے جاری ہونے کےپہلے ریلیاں نہ کرپانے سے بی ایس پی کو کچھ ووٹوں کا گھاٹا ہو سکتا ہے، لیکن ہم نے پایا ہے کہ مایاوتی کا کیڈر’بھائی چارہ کمیٹیوں‘ کے ذریعہ اپنے ووٹ بیس سے مختلف کمونیٹز میں کام کررہاہے۔ بھائی چارہ میں کرمی، موریہ، راج بھر جیسی او بی سی ذاتوں کے علاوہ برہمن اوردلت بھی ہیں۔
دوسری بات، مایاوتی کو اپنے حامیوں کو پیغام دینے کے لیے زیادہ کہنے کی ضرورت نہیں ہے، وہ چند چیزوں سے متحرک ہو جاتے ہیں۔ مایاوتی نے حال ہی میں کانشی رام اور ان کے یوم پیدائش پر ایک عوامی نمائش کی ہے۔ انہوں نے پارٹی کارکنوں سے کہا کہ وہ کانشی رام کے خوابوں کو حقیقت بنائیں اور بی ایس پی کی جیت کے لیے کام کریں۔
میڈیا نے سب سے پہلے دکھایا کہ مایاوتی اپنے منڈل کنوینر کی میٹنگ کیسے بلائیں گی اور اپنے کیڈر کی سرگرمیوں پر رائے لیں گی۔ یہ ضروری ہے کہ بی ایس پی سیاسی تصور کے لحاظ سے زیادہ کام نہیں کر رہی ہے اور اب بھی نچلی سطح پر الیکشن لڑ رہی ہے۔ لیکن اس کا گھر گھر مہم چلانے اور چھوٹی میٹنگوں کا کلچر کووڈ کے وقت میں مددگار ثابت ہوسکتا ہے اور یوپی کے انتخابات کو کئی اسمبلی حلقوں میں ایک مثلث بنا سکتا ہے۔ درحقیقت، گھر گھر مہم چلانے کے معاملے میں بی ایس پی شاید بی جے پی کے بعد دوسرے نمبر پر ہے۔
بی ایس پی کو جارخ نہ کریں
بی ایس پی کی سب سے زیادہ غیر موجودگی ڈیجیٹل معاملے میں ہے۔ لیکن پچھلے پانچ سالوں میں پارٹی نے اپنی ڈیجیٹل طاقت بڑھانے کی کوششیں کی ہیں۔ اس الیکشن میں بی ایس پی نے ضلع سطح پر ایک اچھا ڈیجیٹل وار روم قائم کیا ہے اور اسے لکھنؤ میں ریاستی ڈیجیٹل وار روم سے جوڑا ہے۔
بی ایس پی کی سیاست کی کامیابی ہمیشہ اس کے بنیادی ووٹ میں دوسرے ووٹوں کو جوڑ کر رہی ہے، اس لیے امیدوار کی سماجی بنیاد اور جیتنے کی صلاحیت بہت اہمیت رکھتی ہے۔ پارٹی ایسے امیدواروں کو کھڑا کرنے کی کوشش کرتی ہے جو اس کے سماجی گٹھ جوڑ کو بڑھا سکیں۔
میں یہ نہیں کہہ رہا ہوں کہ بی ایس پی سماج وادی پارٹی کی جگہ لے گی اور بی جے پی سے براہ راست مقابلہ کرے گی۔ لیکن وہ یوپی میں کئی سیٹوں پر مقابلہ کر سکتی ہیں۔ اب مایاوتی کو خارج نہ کریں۔
(بشکریہ: دی پرنٹ :یہ مضمون نگار کے ذاتی خیالات ہیں)
