یوگی کے خلا ف اتریں گے’ راون‘

لکھنؤ :(ایجنسی)

آزاد سماج پارٹی (کانشی رام) کے قومی صدر چندر شیکھر آزاد اس بار وزیر اعلیٰ یوگی آدتیہ ناتھ کےخلاف الیکشن لڑیںگے۔ اس بات کا اعلان آزاد سماج پارٹی نے جمعرات کو ایک بیان جاری کرکے کیا ہے۔بتا دیں کہ بی جے پی یوگی آدتیہ ناتھ کو گورکھپور صدر سے انتخابی میدان میںاتارا ہے۔

چندر شیکھر آزاد نے بھی 2019 کے لوک سبھا انتخابات میں وزیر اعظم نریندر مودی کے خلاف وارانسی سے الیکشن لڑنے کا اعلان کیا تھا، لیکن بعد میں وہ پیچھے ہٹ گئے اور بی ایس پی کی حمایت کی تھی۔

بتا دیں کہ چندر شیکھر کی سماج وادی پارٹی کے ساتھ اتحاد کی بات چیت ٹوٹ گئی تھی۔ اس کے بعد چندر شیکھر نے کہا تھا کہ ان کی پارٹی اتر پردیش میں اسمبلی انتخابات اپنے دم پر لڑے گی۔

ایس پی سربراہ اکھلیش یادو کا نام لیے بغیر چندر شیکھر نے کہا تھا کہ اب اگر وہ 100 سیٹیں بھی دیں تو وہ ان کے پاس نہیں جائیں گے۔ چندر شیکھر آزاد دلت سماج کے مسائل کو اٹھاتے رہے ہیں۔ وہ سی اے اے کے خلاف تحریکوں میں بھی سرگرم تھے۔

بھیم آرمی چیف نے کہا تھا کہ وہ پچھلے 5 سالوں میں دلتوں سے لے کر مسلمانوں کے ساتھ ہونے والی ناانصافیوں کے خلاف لڑائی لڑی ہے۔ انہوں نے کہا تھا کہ اگر اپوزیشن کے ٹوٹنے سے بھارتیہ جنتا پارٹی اقتدار میں واپس آتی ہے تو اس کا خمیازہ ان جیسے لاکھوں معصوم لوگوں کو اٹھانا پڑے گا۔

نام لیے بغیر انہوں نے اپوزیشن لیڈروں پر حملہ کرتے ہوئے کہا کہ کچھ رہنما ٹوئٹر، فیس بک کی سیاست کرتے ہیں۔ انہوں نے کہا تھا کہ اتر پردیش میں 25 فیصد آبادی والی دلت برادری کو اپنا حصہ ملنا چاہیے اور اکھلیش یادو کو دلت برادری کے لوگوں کی ضرورت نہیں ہے۔