تہران/ ارنا- ایران کی اعلی قومی سلامتی کونسل کے سیکریٹری علی اکبر احمدیان نے ہندوستان کے وزیر اعظم کے قومی سلامتی کے مشیر اجیت دووال سے ٹیلی فونک گفتگو کی ہے۔
اس موقع پر علی اکبر احمدیان نے کہا کہ ایران اور ہندوستان قدیم تہذیب کے مالک دو بڑے ملک ہیں جن کے بیچ سیاسی اور اقتصادی میدان میں تعاون کے متعدد مواقع موجود ہیں۔انہوں نے چابہار بندرگاہ کے ترقیاتی پروگرام کی رفتار تیز کرنے پر زور دیتے ہوئے کہا کہ باہمی تعاون دونوں ممالک اور علاقے کی سلامتی کے مفاد میں ہے لہذا تعاون کے اس سلسلے کو پوری قوت کے ساتھ آگے بڑھایا جائے گا۔
اجیت ڈووال نے بھی اس موقع پر خطے میں ایران کے کردار کو تعمیری قرار دیتے ہوئے کہا کہ معاشی میدان میں تہران اور نئی دہلی کے تعلقات میں مزید فروغ لایا جائے گا۔
انہوں نے اسلامی جمہوریہ ایران کی جانب سے سہولت کار کا کردار ادا کرنے کی قدردانی کی اور کہا کہ نئی دہلی سیاسی، سیکورٹی اور اقتصادی شعبوں بالخصوص چابہار بندرگاہ کے ترقیاتی پروگرام اور شامل جنوب ٹرانزٹ کوریڈور میں بھرپور کردار ادا کرنے کے لیے پرعزم ہے۔
ہندوستان کے ساتھ تعاون پوری قوت کے ساتھ جاری رہے گا:ایران کا اعلان
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
