ممبئی (ایجنسی)
ڈرگس پارٹی کیس میں بالی ووڈ اسٹار شاہ رخ خاں کے بیٹے آرین خاں کو گرفتار کرلیا گیا ہے ۔ این سی بی نے آرین سے کروز میں ان کی موجودگی کو لےکر طویل پوچھ گچھ کی، جس کے بعد انہیں گرفتار کیا گیا ۔ آرین کے علاوہ ان کے دوست ارباز مارچنٹ اور منمن دھومیچا کو بھی گرفتار کیا گیا ہے ۔
این سی بی نے ایک بیان جاری کرکے بتایا تھا کہ 2 اکتوبر کو کورڈیلیا کروز پر چھاپہ مارا گیا اور وہاں موجود تمام لوگوں کی تلاشی لئی گئی۔ ٹیم نے وہاں سے ایم ڈی ایم اے ، کوکین ، ایم ڈی اور چرس برآمد کی۔
این سی بی کے ڈی جی ایس این پردھان نے ایک بیان جاری کرتے ہوئے کہا کہ ٹیم کے 22 افسران سادہ کپڑوں میں بحری جہاز پر بطور مسافر گئے تھے۔ جہاز میں تقریباً 1800 مسافر سوار تھے۔
جس کروز پر پارٹی چل رہی تھی اس کا تعلق کورڈیلیا کمپنی سے ہے۔ اس کمپنی کے صدر اور سی ای او جورجن بیلوم نے ایک بیان جاری کیا ہے۔ انہوں نے بتایا کہ ‘این سی بی کو کچھ مسافروں کے سامان میں منشیات ملے ہیں ، جنہیں کورڈیلیا نے فوری طور پر اتاردیا۔ اس کی وجہ سے کروز کو سفر طے کرنے میں بھی تاخیر ہوئی، انہوں نے اس کے لئے مسافروں سے معافی مانگی ۔
