سنبھل :(ایجنسی)
اترپردیش اسمبلی انتخابات 2022 کو لے کر ریاست میں سیاسی سرگرمیاں عروج پر ہے۔ اس درمیان مشہور شاعر منور رانا نے ایک بار پھر وزیر اعلیٰ یوگی آدتیہ ناتھ کو لے کر بیان دیا ہے۔ انہوں نے کہا کہ اگر یوگی آدتیہ ناتھ 5 سال کے لیے دوبارہ اقتدار میں آتے ہیں تو ہم زندہ نہیں بچیںگے۔ ساتھ ہی انہوں نے کہا کہ وہ پلاین کرنے کے لیے تیار بیٹھے ہیں۔ اب اتر پردیش کے نائب وزیر اعلیٰ دنیش شرما نے منور رانا کے بیان پر جوابی حملہ کیا ہے۔ انہوں نے کہا کہ جب 10 مارچ کو انتخابی نتائج کا اعلان ہوں گےتو منور راناکو لکھنؤ سے جانے پر بہت تکلیف ہوگی۔ یوپی الیکشن ماحول کو لے کر انہوں نے کہاکہ سب طرف صرف بی جے پی کی لہر ہے اور اس بار بھاری اکثریت کے ساتھ بی جے پی دوبارہ اقتدارمیں آئے گی۔
دراصل منور رانا نے نقل مکانی کے بارےمیں کہا تھا کہ اگر یوگی حکومت دوبارہ بنتی ہے تو وہ یوپی چھوڑ دیں گے۔ انہوں نے کہا کہ 6 ماہ پہلے جب ہم نے کہا تھا کہ یوپی میں اسد الدین اویسی کی مدد سے یوگی کی حکومت آئے گی تو ہم ریاست سے پلاین کرلیں گے، جس کے بعد ہمیں بہت پریشان کیا گیا۔ میرے خلاف کئی ایف آئی آر درج کی گئیں۔ منور رانا کے اس بیان پر جب دنیش شرما سے سوال کیا گیا تو انہوں نے کہا، ‘’منور کا خواب جلد پورا ہوگا۔ اگر وہ 10 مارچ کو لکھنؤ چھوڑتے ہیں تو انہیں تکلیف ہوگی‘ ۔غور طلب ہے کہ منوررانا نے یوگی اور نریندر مودی کی ایک ساتھ تصویر کو لے کر بھی بہت کچھ کہا تھا۔
ڈپٹی سی ایم نے کہا کہ بی جے پی نے کام کیا ہے، اپوزیشن کے لیڈروں کی کھاٹ کھڑی ہے۔ گاؤں والےاپوزیشن کے لیے کھاٹ کھڑی کردیتےہیں اور بی جے پی والوں کااستقبال کر رہے ہیں۔ اکھلیش کے ہیلی کاپٹر پر ڈپٹی سی ایم نے کہاکہ وہ ٹائم پر نہیں پہنچے اس لئے مسافر طیارہ نہیں ملا، پرواز کے وقت پر نہیںپہنچےاس لئے انہیں اڑان نہیںملی۔ وہ بھی آج ہیلی کاپٹر سے آرہے تھے لیکن کار سے آئےہیں اس کامطلب کس کو قصور وار ٹھہرائیں؟ یوپی میں کوئی امتیازی سلوک نہیں ہے۔
ساتھ ہی عبداللہ اعظم کی حفاظت پر دنیش شرما نے کہا کہ حکومت کی ذمہ داری ہے کہ وہ سب کی حفاظت کرے۔ مغربی یوپی میں بی جے پی کی لہر چل رہی ہے، لوگوں کو حکومت کے کاموں کا فائدہ ملا ہے۔دوسری طرف سنبھل کے حوالے سے انہوں نے کہا کہ 29 سال بعد سنبھل کا منظرنامہ بدلنا شروع ہو گیا ہے۔ کارکنوں کی محنت کی وجہ سے سنبھل سیٹ پر بی جے پی جیت رہی ہے۔
