فیس بک نے سابق امریکی صدر ڈونلڈ ٹرمپ کو دوسال کے لیے اپنے پلیٹ فارم پر بین کر دیا ہے ، اس سے پہلے مئی میں سوشل میڈیا نیٹ ورک کے اوور سائٹ بورڈ نے فیس بک پر ٹرمپ کے اکاؤنٹ کے معطلی برقرار رکھنے کے حق میں دوٹ دیا تھا۔ 6 جنوری کو امریکی پارلیمنٹ کمپلیکس میں ہوئے تشدد کے بعد ٹرمپ کے اکاؤنٹ کو معطل کردیا گیا تھا۔ ٹرمپ پر اس حادثہ کے لیے اپنےحامیوں کو بھڑکانے کے الزامات لگے تھے۔
اوور سائٹ بورڈ نے کیا کہا؟
بورڈ نے مئی میں کہا تھا کہ’فیس بک کے لیے غیر معینہ مدت تک معطلی کا جرمانہ عائد کرنا مناسب نہیں تھا۔‘ اس میں کہا گیا ہے کہ فیس بک کے پاس 7 جنوری کو عائد کردہ ’منمانے سزا‘ کی ازسرنو تحقیقات کرنے کے لئے اور مزید ایسے جرمانے عائد کرنے کے لئے چھ ماہ ہیں جن میں ’خلاف ورزی کی سنگینی اور مستقبل میں ہونے والے نقصان کے امکان‘ کی عکاسی ہوتی ہے۔
بورڈ نے کہا تھا کہ اگر فیس بک ٹرمپ کے اکاؤنٹ کو بحال کرنے کا فیصلہ کرتا ہے تو کمپنی کو فوری طور پر مزید خلاف ورزیوں کا پتہ لگانے کے قابل ہونا چاہئے۔بتادیں کہ ٹرمپ پر مائیکرو بلاگنگ سائٹ ٹویٹر پر مستقل طور پر پابندی عائد کردی گئی ہے۔
