امریکہ میں عجیب وغریب واقعی سامنے آیا اور ناقدوں کو خاموش کرنے کا اظہار ہورہا ہے خبر کے مطابق ایف بی آئی نے امریکی صدر ڈونلڈ ٹرمپ کے سابق سیکیورٹی ایڈوائزر اور اب ان کے کٹر ناقد جان بولٹن کے گھر پر چھاپہ مارا۔ یہ کارروائی ایک دن بعد ہوئی جب بولٹن نے ٹرمپ کی بھارت کے ساتھ تعلقات کی پالیسی پر تنقید کی اور جس طرح انہوں نے تعزیری محصولات لگائے۔خبر رساں ادارے اے پی کی رپورٹ کے مطابق چھاپہ خفیہ دستاویزات کے انتظام سے متعلق تحقیقات کے سلسلے میں مارا گیا۔ تاہم ٹرمپ کے سابق سیکیورٹی ایڈوائزر جان بولٹن کو نہ تو حراست میں لیا گیا ہے اور نہ ہی ان پر اب تک کوئی الزام عائد کیا گیا ہے۔
ٹرمپ انتظامیہ کی جانب سے فی الحال کوئی باضابطہ بیان جاری نہیں کیا گیا ہے تاہم ایف بی آئی کے ڈائریکٹر کاش پٹیل نے ایک خفیہ پوسٹ کی ہے۔ انہوں نے لکھا کہ کوئی بھی قانون سے بالاتر نہیں، ایف بی آئی کے ایجنٹ مشن پر ہیں۔ یہ ٹویٹ چھاپے کے آغاز کے کچھ دیر بعد کیا گیا تھا۔
پچھلی امریکی حکومتوں نے ایشیا میں چین کے اثر و رسوخ کو متوازن کرنے کے لیے بھارت کے ساتھ تعلقات کو مضبوط کرنے کے لیے کام کیا ہے، لیکن بولٹن کا کہنا ہے کہ ٹرمپ کی ٹیرف دھمکیاں بھارت کو چین اور روس کے قریب لے جائیں گی۔ انہوں نے کہا کہ بھارت کو تنہا چھوڑنا اور اس کے خلاف تعزیری کارروائی کرنا یہ پیغام دیتا ہے کہ امریکہ نے بھارت کو چھوڑ دیا ہے۔ مجھے خدشہ ہے کہ اس کی وجہ سے ہندوستان روس اور چین کی طرف زیادہ جھک سکتا ہے۔
